Свет
Шумски пожар во Колорадо, евакуирани 11.000 луѓе
Шумски пожар, што се шири во американската држава Колорадо, е причината за евакуација на 11.000 луѓе од Колорадо Спрингс и други градови, а се заканува и на еден популарен камп под врвот Пајкс Пик, јави Reuters.
Овој е само еден од 20-те пожари што дивеат во неколку сојузни американски држави, воглавно во западниот дел на САД, потпомогнати со силни ветрови и високи температури.
Во сојузната држава Јута евакуирани се 2.500 луѓе.
Според зборовите на командирот на пожарникарската бригада, Дејвид Хантинг, околу 6.200 евакуирани се од Маниту Спринг, место што служи како база за патниците кон врвот Пајкс Пик.
Наредбата за итна евакуација е укината ноќта кон понеделникот, затоа што ветровите го смениле правецот и не претставуваат закана за населеното место.
Американските власти му наредиле на населението да го напушти Грин Маунтајн Фолс, паркот „Чипита“ и Каскада.
Засега нема уништен ниеден објект, но ако ветрот го смени правецот огнот ќе биде закана за повеќе објекти за живеење.
Пожарот гори на 3,2 киломтери од подножјето на планината Пајкс Пик, која е најпосетена планина во САД, а пламен е забележан и јужно од паркот „Божја градина“ во Колорадо Спрингс, многу популарна дестинација за планинарите.
Пожарникарите и други служби се обидуваат да го локализираат големиот пожар во „Хај“ паркот, западно од местото Форт Колинс, за кој властите претпоставуваат дека од избивањето пред две недели досега уништил 248 куќи. Уништил и околу 84.000 хектари шума.
Во друг пожар што изби викендов уништени се 21 куќа.
Пожарот бил предизвикан од удар на гром и засега е познато дека една 62-годишна старица настрадала во планинска колиба./крај/ро/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.