Свет
Путин се залага за мирно решение на кризата во Сирија
Рускиот претседател Владимир Путин се зазема во понеделникот за „мирољубиво политичко решение“ во Сирија, отфрлајќи го „секое вмешување однадвор со сила“, во говорот на државната телевизија, но според овени извори
„Знаеме дека мораме да сториме сé што можеме за да ги принудиме судрените страни за сите недоразбирања да пронајдат мирољубиво решение“, изјави рускиот претседател Владимир Путин, откако го повтори ставот на Москва дека во Сирија не смее да се повтори ткн либиско сценарио.
„Секако, тоа е потешка и чувствителна задача, отколку да се изведе интервенција однадвор со сила“, но според Путин единствено по мирен пат „може да се обезбеди долгорочно решавање на стабилноста во регионот“, дополни претседателот на Руската Федерација кој им се обрати на руските амбасадори на должност во странство на состанокот во зградата на министерството за надворешни работи.
Како што подоцна во понеделникот објави агенцијата РИА Новости повикувајќи се на агенцијата за воена соработка, Русија нема да испорачува борбени авиони за Сирија, додека тамошната ситуација останува „нерешена“.
„Во моменталната ситуација да се зборува за испорака на авиони за Сирија е преурането“, изјави Вјачеслав Џиркин, заменик на секторот за воена соработка за новинарите на саемот на воздухопловство во британското место Фарнбороу.
Според западни медиуми, Москва наводно потпишала налог за испорака на 40 борбено-тренажни млазни авиони од типот „Јак-130“ на крајот од 2011 година, и покрај меѓународните контроверзии околу нејзината продажба на оружје на Сирија којашто веќе беше зафатена со конфликтот.
Авионот од типот „Јак-130“ на воздухопловната компанија „Јаковлев“, е напреден супсоничен двосед кој служи за обука на пилотите и како лесен јуришен авион. Руската компанија започна да го произведува во 1996 година./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Почна нова детална потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Регион
Силен земјотрес ја погоди Бугарија
Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ.
Земјотресот е регистриран во 8:38 часот по локално време, на четири километри од Девин, на длабочина од девет километри.
🔔#Earthquake (#земетресение) M3.8 occurred 6 km SW of #Devin (#Bulgaria) 4 min ago (local time 08:38:05). More info at:
📱https://t.co/IbUfG7TFOL
🌐https://t.co/MSdvNiasPN
🖥https://t.co/ycq6JSIzuY pic.twitter.com/jACmTRndoJ— EMSC (@LastQuake) March 29, 2024
Речиси половина час пред овој земјотрес Бугарија ја погоди потрес со јачина од 2,4 степени според Рихтеровата скала.
Забележан е во 8:09 часот по локално време.
Во 08:42 часот е регистриран и трет земјотрес со јачина од 2,2 степени според Рихтеровата скала.
Засега нема информации за повредени или материјална штета.