Свет
Шест руски воени бродови пловат кон Сирија
Шест воени бродови од три флоти на Руската, Северната, Балтичката и Црноморската, во вторникот во исто време запловиле на извршување задачи во Средоземното Море, а нивната крајна дестинација е руската поморска база во во сириското пристаниште Тартус, пренесува агенцијата Интерфакс.
„Во вторникот, големиот против-подморнички разурнувач ‘Адмирал Чабаненко’, придружуван од три големи десантни брода исполови од Свероморск во Средоземното Море. Таму ќе им се приклучат патролниот брод ‘Јарослав Мудри’ и неговите придружни патролни пловила од Балтичката флота“, изјавил за Интерфакс неименуван воено-дипломатски извор.
„Во програмата е предвидена посета на сириското пристаниште Таруст, каде што е базата за логистика на морнарицата“, додал соговорникот на агенцијата. Додале дека на бродовите се наоѓаат единици на морнаричката пешадија на Северната флота.
Тој рече дека пловидбата на овие бродови е според плановите за борбена обука на руската воената морнарица, но не и оти е поврзано со влошување на ситуацијата во Сирија.
„Во пристаништето на Тартус бродовите ќе се снабдат со резерви од гориво, вода и храна“, дополнил изворот. Според него, медитеранската турнеја на групата бродови ќе трае до крајот на септември или почетокот на октомври.
Покрај тоа, според соговорникот на агенцијата, истиот ден од пристаништето во Свестопол испловил патролниот брод „Сметливиј“ кој се упатил, исто така, кон Средоземното Море. Негова задача, наводно, била како самостојно да делува во источното Медитеранот, така и како дел од флотилата на Северната и Балтичката флоти. Негова крајна дестинација, исто така, според изворот е сириското пристаниште Тарус. Бродот „Сметливиј“ во среда би требало да мине низ Босфорот и Црноморскиот теснец. По три дена е планирано да пристане во Тартус за да надополни резерви.
Од друга страна, во врска со ситуацијата во Сирија, државната агенција SANA во вторникот пренесе дека сириските погранични сили ноќта на понеделникот кон вторникот спречиле обид за навлегување на сириска територија на „вооружени терористички групи“. Изворот на агенцијата од централната провинција Хомс која се граничи со Либан, рекол дека групите стрелале врз сириските погранични пунктови во областите Џаср ал-Камар и Џиср абу-Сувеу, како и врз пограничните премини Хармуш, Армут, Арид, Нур и Далаја./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.