Свет
Две сириски групи ја преземаа одговорноста нападот во Дамаск
Две бунтовнички сириски групи ја преземаа одговорноста за нападот во средата во главниот град Дамаск во кој беа убиени неколку високи државни функционери, објавувајќи дека извршиле „успешен напад во самото срце на владата“ на претседателот Башар ал-Асад.
Сириската државна телевизија потврди дека во терористичкиот самоубиствен бомбашки напад е убиен министерот за одбрана Дауд Раџа, како и Асеф Шаукат, заменик на министерот за одбрана и шура на сирискиот претседател Башар ал-Асад. Како што пренесе PRESS TV во нападот е убиен и генералниот директор на Бирото за државна безбедност на Сирија, Хишам Ихтијар.
Министерот за внатрешни работи Мухамед ал-Шар е ранет но неговата ситуација е стабилна, додека челникот на разузнавачките служби Хишам Бекхтијар се наоѓа на операција.
Повикувајќи се на изјави на очевидци Reuters пишува дека станува збор за пет експлозии. Една од експлозиите се случила во областа каде што била дислоцирана дивизија со којашто командува братот на претседателот Башар ал-Асад, Махер.
Во средата наутро, бомбаш-самоубиец се разнесе во зградата на националната безбедносна служба во време кога се одржувал заеднички состанок на сириските безбедносни служби и министри на сириската влада. Според AFP напаѓачот го активирал ткн „самоубиствен појас“ прицврстен на неговото тело токму во просторијата во којашто се одржувала средбата.
Двете бунтовнички групи тврдат дека го извеле главниот напад и тоа го прогласија како победа над најтесниот круг соработници на претседателот Асад кој досега се сметаше за недопирлив.
Исламистичката бунтовничка групација Лива ал-Ислам (Бригади на исламот) во својата изјава дадена на профилот на социјалната мрежа Фејсбук соопшти дека нејзина цел била „ќелијата наречена кризна контролна соба во престолнината Дамаск“ „Со радост го известуваме народот на Сирија а особено жителите на престолнината, дека Бирото за национална безбедност, кое ја вклучува таканаречената ќелија за кризни ситуации, бригадата на Сајед ал-Шухад на Лива ал-Ислам го нападнаа со експлозивна направа“, се наведува во текстот во кој уште се додава дека се „убиени неколку столбови на режимот“.
Слободната сириска армија, исто така, ја презема одговорноста за нападот, а според портпаролот Касам Садедин „Тоа е вулкан за кој зборувавме, туку што го почнавме“.
Извор од сириските безбедносни служби за Reuters изјавил дека припадник на обезбедувањето на потесниот круг соработници на претседателот Асад го детонирал експлозивот на состанокот на министрите и главните луѓе на безбедносните служби и на воени офицери.
За агенцијата претставник на Бригадите на исламот во телефонски разговор ја потврдил информацијата, но негирал дека станува збор за самоубиствен напад. „Да, нападнавме, но немаше бомбаш самоубиец“, изјавил претставникот на исламистичката група кој побарал агенцијата да го именува како Абу Амар. „Нашиот човек успеа да ја постави импровизираната експлозивна направа во зградата пред одржувањето на состанокот. Ова го планиравме повеќе од еден месец“, додал Амар./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.