Свет
САД, Израел и Бугарија работат на резолуција на ОН
По терористичкиот напад од средата врз израелските туристи на аеродромот во бугарското летувалиште Бургас, Израел и Бугарија во соработка со САД и други земји работат на нацрт-резолуција во Советот за безбедност на Обединетите нации со коишто ќе се осуди актот.
Како што пренесува агенцијата Бгнес повикувајќи се на израелските медиуми, оваа информација ја потврдиле извори од израелското министерство за надворешни работи.
Во меѓувреме, израелските амбасадори во светот добиле инструкции да ги повикаат челниците на земјите во коишто работат јавно да го осудат терористичкиот акт во Бургас во кој животот го загубија осум лица. Во четвртокот до своите израелски колеги телеграми со сочувство и осуда на инцидентот упати целиот македонски државен врв.
„Осудата од странските лидери се од главно значење и испраќаат јасна порака од меѓународната јавност за терористите и Иран“, се наведува во соопштението на портпаролот на израелското министерство за надворешни работи, Лиор Бен-Дор, што го цитира весникот Haaretz.
„Од клучно значење за нас е тесно да соработуваме со медиумите, со интервјуа, брифинзи, соопштенија итн. Неопходно е да се концентрираат напорите, за да се убеди јавноста за крвавиот терор, извршен од Иран и Хезболах“, се вели уште во препораката на Бен-Диор.
Во телеграмата до израелските амбасадори, исто така, се наведува дека при последните напади во Кипар, Кенија, Делхи и Тајланд „јасно се гледа дека Хезболах има вмешано прсти“. Во документот, покрај тоа, им се наредува на амбасадорите да настојуваат дека „Техеран ги диригира терористичките напади преку силите Кудс од Револуционерната гарда и Хезболах“.
„Би требало д асе нагласи дека тие две организации не се ставени на списокот терористички организации на Евроспката унија, ниту на слична листа на која и да е друга организација“, препорачува телеграмата на Бен-Дор.
Израелското министерство за надворешни работи ги замолува своите амбасадори да потцртаат дека дури и покрај тоа што нападите се насочени само кон израелски државјани, жртви во тие напади се и Американци, Бугари, Словаци и Италијанци.
„Тоа покажува дека Исламската република не ги разграничува своите жртви. Иран продолжува да го употребува теророт како инструмент за спротиставување на Западот, дури и по цена да им нанесе штета и на државите со коишто нема никакви спорови“, се додава во препораката за израелските дипломати./крај/бг/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бран насилство на Хаити, илјадници мртви, премиерот поднесе оставка
Премиерот на Хаити Ариел Хенри официјално поднесе оставка од сегашната функција, соопшти денеска неговиот кабинет, а во меѓувреме земјата ќе ја води преоден совет кој се обидува да го врати мирот во земјата среде пустошот предизвикан од широкото насилство на бројни банди.
Министерот за финансии Патрик Бојсверт привремено ќе ја извршува функцијата премиер, објавено е во официјалниот национален весник.
Во писмото од средата, кое беше објавено денеска на социјалните мрежи, Хенри напиша дека неговата администрација „и служела на нацијата во тешки времиња“.
Владата во заминување на Хаити го официјализираше процесот на транзиција пред две недели, еден месец откако Хенри ја објави својата оставка додека беше надвор од земјата, бидејќи вооружените банди се заканија дека ќе го заземат главниот град.
Насилството од бројни банди, кое со години се влошуваше, ескалира на почетокот на оваа година.
Според неодамнешните податоци на Канцеларијата на Обединетите нации на Хаити (БИНУХ) од јануари до март оваа година загинале или се ранети повеќе од 2.500 луѓе, што е за 53 отсто повеќе отколку во последните три месеци од 2023 година.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Свет
Принцот Вилијам проговори за Кејт Мидлтон: „Жал ми е што не е тука со нас“
При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.
Конечно се врати на обврските откако извесно време беше на пауза поради приватни причини.
Во разговор со член на персоналот, Вилијам накратко ја спомна сопругата Кејт.
„Жал ми е што Кејт не може да биде тука со нас. Таа сакала”, рекол Вилијам.
Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.
По Божиќ се повлече од јавноста, а во јануари имаше операција на абдоменот.