Свет
Ромни и Риан ветуваат „големо враќање“ на САД
Републиканскиот кандидат за американските претседателски избори Мит Ромни и неговиот потпретседателски кандидат Пол Риан, во неделата во Северна Каролина во желбата да додадат нов елан во нивната кампања, ветија „големо враќање“ на САД доколку бидат избрани на изборите на 6-ти ноември.
Мит Ромни во говорот во Мурсвил најави „добра вест за големото враќање на Соединетите држави“. Кандидатот и неговиот сокандидат, чиешто именување Ромни го објави во сабота, ветуваат подигнување на американската економија и враќање на моќта на земјата.
Ромни притоа рече дека со актуелниот демократски претседател Барак Обама, САД стануваат сѐ повеќе како Европа, „со висока хронична невработеност, со слабо зголемување на платите и на работ од буџетски банкрот“.
„Не сакам тоа да биде како во Европа, ја сакам Америка“, додаде Мит Ромни кој и претходно правеше забелешки и го исмејуваше Стариот континент во текот на својата кампања.
По Северна Каролина, кандидатската двојка замина за Висконсин.
Риан, когресмен од сојузната американска држава Висконсин, е влијателен член на Претставничкиот дом на американскиот Конгрес, Го сметаат за еден од највлијателните помлади републикански политичари и прв економист во Републиканската партија.
Пол Риан, 42-годишнот конгресмен, е еден од најпроминентните млади републиканци во Претставничкиот дом на американскиот Конгрес, честопати цитиран поради неговите ставови за економската и фискалната политика. Претседател е на влијателната Комисија за буџетот на Претставничкиот дом, во кој одигра важна улога при изработката и промоцијата на републиканската програма за долгорочно урамнотежување на буџетскиот дефицит.
Во април 2011 година го претстави проектот „Патот до просперитетот“, како алтернатива за предлогот за буџетот на актуелниот демократски претседател Барак Обама , кој содржеше и контроверзни промени на програмата за медицинска нега за постари лица – Медикер.
Во март 2012 година Риан ја претстави и „Патот до просперитетот: Нацрт за американската обнова“, како алтернатива на буџетот на Обама за 2013 година. Исто така, еден е од соосновачите на програмата „Млади сили“ за регрутирање на изборни активисти за републикански конгресмени. Во Конгресот е од 1999 година и во моментов го извршува седмиот двегодишен мандат./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Регион
Силен земјотрес ја погоди Бугарија
Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ.
Земјотресот е регистриран во 8:38 часот по локално време, на четири километри од Девин, на длабочина од девет километри.
🔔#Earthquake (#земетресение) M3.8 occurred 6 km SW of #Devin (#Bulgaria) 4 min ago (local time 08:38:05). More info at:
📱https://t.co/IbUfG7TFOL
🌐https://t.co/MSdvNiasPN
🖥https://t.co/ycq6JSIzuY pic.twitter.com/jACmTRndoJ— EMSC (@LastQuake) March 29, 2024
Речиси половина час пред овој земјотрес Бугарија ја погоди потрес со јачина од 2,4 степени според Рихтеровата скала.
Забележан е во 8:09 часот по локално време.
Во 08:42 часот е регистриран и трет земјотрес со јачина од 2,2 степени според Рихтеровата скала.
Засега нема информации за повредени или материјална штета.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.