Свет
Бунтовниците објавија видео-снимка со киднапираните сириски новинари
Борците на Слободната сириска армија, објавија видеозапис со киднапираните пред неколку дена сириски телевизиски новинари.
На кусата снимка само се покажани тројца од четворицата грабнати новинари од екипата на сирискиот државен телевизиски канал Al-Akhbar, кои пред камерата ги кажуваат своите имиња. Нивниот четврти колега го нема на снимката, и неговата судбина е непозната. Исто така, на снимката не се искажани никакви барања од страна на грабнувачите, пренесува РИА Новости.
Информaтивниoт телевизиски канал Al-Akhbar го загуби контактот со својата новинарска екипа на својот дописник Јара Салех Абас во петокот на 9-ти август, кога таа била на терен во градот Тел Мнин североисточно од главниот град Дамаск, каде што сириската регуларна армија спроведува операција против вооружените групи.
Сириски медиуми и нивните вработени од неодамна станаа цел на постојани притисоци и напади од вооружената опозиција. Во јуни непозната вооружена група ја нападна редакцијата на телевизискиот канал Al-Akhbar во Дамаск, при што загинаа неколку лица. Истиот месец, вооружени лица отворија оган врз новинарска екипа во Латакија, при што беа ранети репортер и фоторепортер.
Во Дамаск во неделата беше извршен погребот на новинарот на државната новинска агенција SANA, Али Абас. Тој беше уредник на регионалната информативна редакција, а беше убиен во саботата од непознати вооружени лица во неговиот дом во Џајдет Артус во областа на главниот град.
Претходно, бунтовниците убија еден од водителите на државниот телевизиски канал Surya, Мохамед ал-Саид.
Пред една недела експлодираше бомба во зградата на Централната сириска радио-телевизија, при што беа повредени неколку лица./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.