Свет
ОН загрижени за хуманитарната криза во Северна Кореја
Обединетите нации се многу загрижени поради хуманитарната криза во Северна Кореја, по поплавите и големите одрони на земјата предизвикани од силните врнежи во јули, изјави во понеделникот генералниот секретар Бан Ки-Мун.
Во поплавите загинаа 169 луѓе, 400 се водат за исчезнати , 212 илјади се раселени, а 650 квадратни километри обработлива површина се опустошени во Северна Кореја која инаку се бори со недостиг на храна, според официјалните податоци што ги објавија властите Пјонгјаг.
„ОН е многу загрижен поради хуманитарната ситуација на северот“, изјави генералниот секретар на ОН, Бан Ки-Мун при неговата посета на соседна Северна Кореја.
„Во крајна линија, нé загрижуваат здравствените проблеми на малите деца и штетите коишто ги предизвикуваат сушата и неодамнешните поплави“, вели Бан, поранешен јужнокорејски министер за надворешни работи. Агенциите на ОН понудија „нужна помош и планираат да ја зголемат“, додаде генералниот секретар на ОН.
Тимови на ОН и на Црвениот крст ги посетија настраданите во покраината Северен и Јужен Пјонгјанг, на запад од Северна Кореја, поради процени на штетите и јавуваат дека на населението итно му е потребна вода за пиење, храна и лекови.
ОН во ноември минатата година објави дека итната помош во храна им е неопходна на три од 24-те милиони жители на оваа сиромашна комунистичка земја, којашто трпи санкции поради нејзиното пробно лансирање ракети со долг дострел и развивањето на нуклеарната технологија.
Инаку, Северна Кореја се соочува со хроничен недостиг од храна, а почвата е подложна на чести поплави поради неконтролираната сеча на шумите.
Пјонгјанг во април изврши пробно лансирање на ракета за којашто меѓународната заедница се сомнева дека има воена намена, иако севернокорејските власти тврдат дека станува збор за телекомуникациски сателит. Ова ги затегна уште повеќе и онака затегнатите односи меѓу двата соседа што го делат Корејскиот полуостров. Бан Ји-Мун во понеделникот, исто така, изјави и дека ќе работи на „смирување на тензиите на полуостровот и на помирување“ на капиталистичкиот југ и комунистичкиот во север кој од 1948 година со железна тупаница владее семејството Ким./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јужнокореец уби 76 мачки, почнал да ги мрази откако му го изгребале автомобилот
Маж од Јужна Кореја е осуден на 14 месеци затвор за убиство на 76 мачки во еден од најлошите случаи на суровост кон животните во Јужна Кореја во последните години.
Човекот, кој има 20 години, беше осуден за кршење на јужнокорејскиот закон за благосостојба на животните минатата недела, соопшти Окружниот суд Чангвон во југоисточна Јужна Кореја. Судот не го објави името на човекот.
Човекот убивал мачки од декември 2022 година до септември 2023 година поради омразата кон животното која ја развил откако други мачки му го изгребале автомобилот, се наведува во образложението на пресудата.
Тој фатил мачки скитници и посвоил други од интернет-страниците пред да ги задави некои до смрт, а други да ги убие со ножици, смета судот.
Со автомобил прегазил една мачка.
Судот процени дека затворската казна е неизбежна затоа што тој постојано правел „неописливо сурови“ злосторства со предумисла.
Нагласено е дека изречената казна сепак го одразува фактот дека мажот немал криминално досие и се кае за сторените кривични дела, додавајќи дека е утврдено дека неутврденото психичко здравје на мажот било мотив за делата.
Човекот ја обжали пресудата.
„Овој случај на суровост, исто така, ја истакнува важноста од измена на Граѓанскиот законик за правно признавање на животните како живи суштества и дополнително зајакнување на нивната правна заштита“, рече Борами Сео, директор на јужнокорејската канцеларија на Humane Society International.
Свет
Убиен рапер, пронајден во хотелска гаража откако бил застрелан: Џастин Бибер јавно се опрости од него
Раперот Крис Кинг почина во саботата во Нешвил, Тенеси.
Крис бил ранет околу 2 часот и 30 минути кога бил со пријателите во уличка, соопшти полицијата, пренесува „Пипл“.
Како што се наведува понатаму, тројца мажи им пришле и се обиделе да ги ограбат, а Кинг и уште еден маж биле ранети. Напаѓачите побегнале, а раперот бил пронајден во гаража на хотел.
View this post on Instagram
Веднаш бил пренесен во болница, но таму починал.
32-годишниот рапер беше близок пријател со пејачот Џастин Бибер, кој јавно се опрости од него.
“Те сакам брат. Ова боли“, напиша Џастин Бибер, пренесува гореспоменатиот медиум.
Свет
Хамас повика на ескалација на сите фронтови
Портпаролот на вооруженото крило на Хамас, Бригада ал-Касам, повика на ескалација на сите фронтови во телевизискиот говор по повод 200 дена од почетокот на војната меѓу Израел и Хамас во Појасот Газа на 7 октомври 2023 година.
Во видеото објавено од Ал Џезира, Абу Убаида го пофали нападот на Иран врз Израел на 13 април, велејќи дека директните напади со беспилотни летала и ракети „поставуваат нови правила, повлекоа важни паралели и ги збунија непријателот и оние што стојат зад него“.
Тој повика и на ескалација на Западниот Брег и во Јордан, велејќи дека тоа е „еден од најважните арапски фронтови“.
„Го повикуваме јорданскиот народ да ги засили своите акции и да го крене својот глас“, рече тој.
Абу Убаида рече дека Хамас останува на барањата што ги постави на разговорите за прекин на огнот, односно бара Израел да ја прекине воената офанзива, да ги повлече своите сили од Појасот Газа, да им дозволи на раселените да се вратат во северниот дел на Појасот Газа и да ја укине блокадата.
Во меѓувреме, Израел ги засили нападите низ Појасот Газа во вторникот, рекоа жителите, додавајќи дека тоа е едно од најлошите гранатирања во последните неколку недели. Армијата нареди нова евакуација на северот од палестинската енклава, предупредувајќи ги цивилите дека се наоѓаат во „опасна борбена зона“.
Во соопштението за платформата X, портпаролот на израелската армија Авичај Адраи ги повика жителите на четири зони во Беит Лахиа во северниот дел на Појасот Газа да се преселат во засолништа во две одредени области.
Новото гранатирање и бомбардирање на северниот дел на Појасот Газа доаѓа речиси четири месеци откако израелската армија објави дека ги повлекува своите војници, тврдејќи дека Хамас повеќе не ги контролира областите.
Израел, исто така, овој месец повлече поголем дел од своите сили од јужниот дел на Појасот Газа. Но, обидите да се постигне прекин на огнот не успеаја, а израелските бомбардирања и упади на територијата од која војниците се повлекоа го отежнуваат враќањето на раселените во своите домови.