Свет
Светска акција за поддршка на групата Пуси рајот пред пресудата
Во рамките на светската кампања за ослободување на членовите на руската панк група Пуси рајот се планираат демонстрации во повеќе од 20 градови ширум светот во петок, 17 август, еден час пред објавувањето на пресудата во рускиот суд.
Ќе бидат организирани акции за поддршка на бендот, во Париз, Берлин, Лондон, како и во Москва и Санкт Петерсбург, изјави за Франс прес еден од нивните бранители.Слични акции предвидени се и во Њујорк, Торонто, Мадрид, Барселона, Прага, Единбург и Даблин.
Во повеќето руски и европски градови оваа акција за поддршка ќе биде организирана во 100 часот по централноевропско време, односно еден час пред пресудата.
Надежда Толоконјикова, Марија Алјохина и Јекатарина Самуцевиќ се обвинети за хулиганство, односно за распламтување на меѓуверската омраза и навредување на чувствата на верниците поради акцијата во храмот Христос Спасител, во февруари каде испеале песна против рускиот претседател Владимир Путин.
Тие се во затвор повеќе од пет месеци, а обвинителството побара казна затвор од по три години.
Акцијата ќе биде одржана пред црквата Свето семејство во Барселона и пред руската амбасада во Лондон.
Во Париз протест ќе биде одржан на плоштадот Стравински, а исто така ќе бидат организирани протести во другите француски градови како што се Марсеј, Ница, Лион и Монпеље.
Во Њујорк протестите во петок ќе бидат организирани пред рускиот конзулат, а подоцна демонстрантите ќе заминат на Тајмс сквер.
Рускиот претседател Владимир Путин во изјава на почетокот на август рече дека девојките не треба да се осудат премногу строго.
Спорниот упад на групата Пуси Рајот во црквата предизвика жестока реакција на православната црква и многу свештеници и верници го осудија сквернавењето на катедралата и оценија дека се работи за напад врз црквата.
Од друга страна повици за ослободување на девојките веќе упатија повеќе светски политичари и ѕвезди, руски јавни личности, како и организации за заштита на човековите права.
Јоко Оно, вдовицата на Џон Ленон, веќе го повика рускиот претседател да ги ослободи девојките и се очекува Оно да им даде поддршка на девојките во Њујорк.
Повик за ослободување испрати и Мадона на концертот кој го одржа во Москва, и пејачите, Стинг, Пит Таусенд, Бјорк и Пет шоп бојс, како и германската министерка за култура Аурелија Филипети.
Членовите на бендот и нивните бранители, како што пренесува АП, сметаат дека одлуката зависи во целост од волјата на Путин, додека активистите се надеваат дека нивниот притисок ќе придонесе за ублажување на казната или нивно целосно ослободување./крај/бета/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Принцот Вилијам проговори за Кејт Мидлтон: „Жал ми е што не е тука со нас“
При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.
Конечно се врати на обврските откако извесно време беше на пауза поради приватни причини.
Во разговор со член на персоналот, Вилијам накратко ја спомна сопругата Кејт.
„Жал ми е што Кејт не може да биде тука со нас. Таа сакала”, рекол Вилијам.
Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.
По Божиќ се повлече од јавноста, а во јануари имаше операција на абдоменот.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Свет
Русија со најава: Ги преместуваме системите „Искандер“ на границата со Финска
Русија најави дека ќе ги премести ракетните системи способни да носат нуклеарно оружје на границата со Финска. Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.
Русија ја нарече провокативна, одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.
Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.
„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.
„Оперативно изгледа апсурдно да се приближуваат вакви ракетни системи со долг дострел до нашата граница, тие се лесни цели за нас“, додаде тој.