Контакт

Свет

Книга сведоштво за убиството на Осама бин Ладен

Објавено пред

Пензионираниот припадник на специјалната единица на американската армија – Фоки, Мет Бисонет, во книгата „No Easy Day“ опишува до детали како ланскиот мај го убил лидерот на глобалната терористичка организација Ал Каеда, Осама бин Ладен.

dobivaj vesti na viber

Според самиот Мет Бисонет, тој го застрелал Осама бин Ладен со истрел во главата, во моментот кога најбараниот терорист на светот ѕиркал од вратата на неговата соба во куќата во Аботебад, во близина на пакистанската престолнина Исламабад, а вдовиците на лидерот на Ал Каеда сето тоа го гледале и потоа плачеле врз неговото мртво тело.

Триесет ишестгодишниот Бисонет дава детален опис на акцијата спроведена од американските маринци, иако правните застапници на американското министерство за одбрана со сите средства се трудат да го спречат објавувањето на книгата.

Маринецот кој книгата ја напишал под псевдоним Марк Овен, сега се соочува со обвинение за кршење на заклевата за молчење, која ја положил кога во април годинава ја напуштил американската армија, но и со смртни закани кои му ги упатуваат исламистичките фундаменталисти од целиот свет.

Тој вели дека припадниците на Фоките во Пакистан тргнале со три хеликоптера, о кои биле по три специјалци. Знаеле дека во засолништвото на бин Ладен освен него ќе бидат и неговите двјаца курири, браќата Абрар ал-Кивајти и Алмед ал-Кувајти.

Според Бисонет, операцијата била осмислена така специјалците да се спуштат од хеликоптерите и да го убијат бин Ладен, но се комплицирала кога хеликоптерот во кој бил самиот тој се урнал во дворот од куќата на водачот на Ал Каеда.

Вториот хеликоптер кој требало да се спушти на покривот од куќата, сепак слетал надвор од дворот заграден со висок ѕид кога пилотите виделе дека првото летало се урнало. Потоа нив ги пуштиле во дворот неповредените војници од хеликоптерот кој се урнал.

Буката од леталата ги разбудила бин Ладен и другите во куќата, а еден од нив Ахмед ал-Кувајти отворил оган врз маринците од автомат Ак-47. Во моментот кога се подготвувале да отворат оган на вратата се појавила жената на Ал-Кувајти со децата од кое едно бебе што го држела во рацете. Жената рекла дека нејзиниот маж е убиен, а кога Бисонет видел спружени нозе тргнал кон просторијата за која знаел дека се наоѓа бин Ладен.

Со специјалните очила за гледање во темнина, маринците влегле во куќата и прво го чистеле првиот кат, а потоа тргнале кон вториот, на кој според нивните информации се криел лидерот на Ал Каеда.

Тогаш врз нив отворил оган Анрар ал-Кувајти, братот на Ахмед, но веднаш бил ликвидиран, како и неговата жена, која скокнала пред него за да го заштити. Во аголот од собата седеле деца и една жена.

Потоа Фоките тргнале кон вториот кат каде со експлозив разнеле метална врата којашто го делела катот од приземјето. Веднаш потоа пукале врз човекот за кој претпоставувале дека е Калид, еден од синовите на Осама бин Ладен, кој не пукал во самоодбрана.

„Очекувавме повеќе борба. Од сите тие приказни за умирање за Алах и самоубиствените елеци, само еден од браќата ал-Кувајти истрела цел шаржер“, пишува Бисонет.

Вели дека додека се приближувал кон третиот кат, слушнал звук на полнење пушка. Тогаш следел рафал. Бисонет стрелал кон човекот кој отворил оган од зад вратата, а веднаш по рафалот тој се повлекол.

Маринците влетале во просторијата и таму нашле две жени како плачат врз тело на мртов маж. Според Бисонет, мажот бил застрелан во десната страна од главата.

„Крв и делови од мозок беа расурани покрај неговата глава. Додека сѐ уште беше во претсмртна агонија, телото му се грчеше“, пишува Бисонет.

Тој и негов соборец истрелале уште неколку рафали во градите на човекот додека не престанел да се движи. Најмалку три деца биле сведоци на настанот и биле целосно во шок.

Бисонет пишува и дека кога маринците му пришле на телото и установиле дека целата десна страна од главата му е разнесена со куршум кој му минал низ челото, а градите биле разорени од погодоците од автоматска пушка.

„Мислам дека ова е нашето момче“, рекол еден од членовите на тимот маринци, кој Бисонет го претставува како „Том“, пренесува Блиц.

Пентагон предупред дека ја разгледува можноста за тужба против поранешниот маринец, поради прекршувањето на договорот за доверливост кога ја напишал книгата за операцијата во која е убиен Осама бин Ладен.

Притоа адвокатот на Пентагон наведува дека се разгледува и можнсот за тужба против секој кој помагал во објавувањето на книгата, како и дека државата може да бара заработка од книгата./крај/бл/мф



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Двегодишното девојче кое исчезна во Србија се бара насекаде, полицијата врши распити на голем број лица

Објавено пред

Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“

dobivaj vesti na viber

Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.

Полицијата ја истражува секоја трага што може да укаже на тоа што се случило со девојчето.

„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.

Истрагата се одвива во повеќе правци, а денеска полицијата повторно разговараше со родителите на девојчето.

„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.

Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.

Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.

Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.

На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.

„Ја знам таа жена, ја видов како носи две деца во парк, страшно е што се случи“, велат соседите.

Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.

Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.

Прикажи повеќе...

Регион

„Само се шалевме“ – уапсените поради тврдењата за исчезнатото девојче се донесени во полиција

Објавено пред

Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.

dobivaj vesti na viber

Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.

Како што јави известувачот на Н1, уапсените биле донесени во зградата на Федералната полициска управа.

Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.

Веднаш по апсењето изјавиле дека „само се шегувале“. Сите уапсени се членови на исто семејство.

Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.

Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.

На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.

Прикажи повеќе...

Свет

Тешка автобуска несреќа во Јужна Африка, загинаа 45 лица

Објавено пред

Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.

dobivaj vesti na viber

Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.

Автобусот превезувал луѓе од Боцвана до Морија, град во Лимпопо.

Спасувачките операции продолжија до доцна денеска.

Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.

Прикажи повеќе...

Најново

Македонија4 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија4 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија6 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија7 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија8 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија9 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ10 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија10 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија11 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија14 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет14 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет14 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија14 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион14 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет15 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет15 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија1 ден

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...