Свет
Два милиона мито за упис на Харвард
Брачна двојка од Хонгконг го тужи поранешниот харвардски професор дека им зел два милиона долари ветувајќи им оти нивните синови ќе ги запише на славниот универзитет Харвард.
Ова во четвртокот го пишува дневниот весник Boston Globe, истакнувајќи дека тоа претставува опомена за родителите вмешани во многу компетитивниот „рулет“ на уписите на универзитетите во САД.
„Кога станува збор за примањата на факултетите, гаранција нема и точка. Доколку некој ви каже дека може да ве уфрли на Хравард, тоа е измама“, изјави за весникот Марк Кантровиц, експерт за финансирање и планирање студии од Кренбери во сојузната американска држава Пенсилванија.
Џералд и Лили Чоу, и двајцата државјани на Кина, во својата тужба поднесена уште во 2010 година во окружниот суд во Бостон, наведуваат дека на професорот Марк Зимни му платиле два милиона американски долари бидејќи им било ветено дека нивните два сина ќе ги запише на елитен американски универзитет, по можност на Харвард. Сопружниците во тужбата, исто така, тврдат дека Зимни им рекол дека ќе им помогне околу уплатите на нивните донации на другите елитни факултети, заобиколувајќи го наводниот расизам против азиските донатори.
Сопружниците Чоу го обвинуваа професорот Зимни за измама, кршење на договорот и неоправдано богатење и бараат да им ги врати нивните пари. Зимни во судските поднесоци ги негирал обвинувањата, пишува Boston Globe. Тужбата сега треба да биде префрлена на сојузен суд, а во ноември се очекува првото рочиште, се додава во написот.
Случајот на семејството Чоу е екстремен, а Кантровиц вели дека родителите во САД трошат големи суми во настојувањата своите деца да ги запишат на водечките универзитети, плаќаат советници коишто им помагаат во подготовката за полагање на испитите и пишувањето есеи потребни за пријавување на факултетите.
Минатата година Харвард прифатил само 6,2 отсто од 34.950 пријавени за упис, наведува студентскиот весник The Harvard Crimson.
Харвард имал најниска стапка за упис од ткн Ivy League, групата од осум елитни приватни универзитети во североисточните држави во САД, под Колумбија со 6,9 отсто и Јел со 7,35 отсто запишани студенти, додава студентското гласило./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.