Свет
Дамаск сака национален дијалог без надворешно мешање
Сириските власти во саботата објавија дека националниот дијалог без вмешување однадвор е единствениот пат за излегување на земјата од кризата, по разговорите водени во престолнината Дамаск меѓу шефот на дипломатијата Валид Муалем и меѓународниот посредник Лакард Брахими.
Специјалниот пратеник на Обединетите нации и на Арапската лига за Сирија, алжирскиот дипломат Лакдар Брахими и сирискиот министер за надворешни работи Валид Муалем разговарале за „прекинување на насилството за да се подготви атмосфера за глобален сириски дијалог, кој според владата, е единствен пат за излегување од кризата, без странско мешање“, наведе министерството за надворешни работи на Сирија во соопштение што го пренесе државната новинска агенција SANA.
Соговорниците ги споменале во разговорот другите регионални партии и страни кои „ја спречуваат мисијата на Брахими, коишто ги примаат, вооружуваат и обучуваат вооружените терористички групи“, наведе министерството кое разговорите го оцени како „конструктивни и сериозни“.
Претседателот Башар ал-Асад кој опозицијата и бунтовниците ги нарекува терористи, треба да се состане со Брахими, но терминот сѐ уште не е утврден. Брахими на сириската влада ѝ предложи прекин на огнот додека трае муслиманскиот празник Курбан бајрам од 26-ти до 28-ми октомври, што Дамаск го поздрави.
Меѓународниот претставник доцна попладнето во саботата во Дамаск се сретна со членовите на опозицијата којашто не се вклучи во вооружените судири и е толерирана од властите, меѓу кои и со Хасан Абдел Азим, портпаролот на Комитетот за координација за национални и демократски промени (CCCND). Притоа Азим изјавил дека CCCND во кој се наоѓаат партиите на арапските националисти, Курдите и социјалистите, го поддржува предлогот на Брахими за примирје.
По пристигнувањето во Дамаск во петокот, Брахими изјави дека води разговори за неопходноста од намалување на насилствата и прекин во текот на муслиманските празници.
Пред доаѓањето на меѓународниот посредник, сириските власти изјавија дека сакаат да видат што Брахими има да каже, а опозицијата изјави дека е подготвена да го прифати примирјето под условот режимот прв да ги прекине борбените дејствија.
Брахими, кому ова е втора посета на Дамаск откако ја преземе функцијата на 1-ви септември, изјави дека прекинот на огнот може да претставува основа за придвижување на „политичкиот процес“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД ставија вето на приемот на Палестина во ОН
Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како членка на ОН“.
Воздржани беа Велика Британија и Швајцарија, а „за“ гласаа Словенија, Сиера Леоне, Русија, Јужна Кореја, Мозамбик, Малта, Јапонија, Франција, Гвајана, Еквадор, Кина и Алжир.
Претходно вчера, заменик портпаролот на американскиот Стејт департмент, Ведант Пател, потврди дека Вашингтон ќе стави вето на гласањето во Советот за безбедност на ОН, наведувајќи дека нема едногласно мислење меѓу членовите на комитетот за тоа дали Палестинците ги исполнуваат критериумите неопходни за да бидат дефинирани како држава.
Палестинската управа (ПА) го осуди потегот, нарекувајќи го „нефер, неетички и неоправдан“.
Кабинетот на претседателот на палестинската управа Махмуд Абас го нарече американското вето „еклатантна агресија … туркање на регионот преку работ“.
Израелскиот министер за надворешни работи Израел Кац го пофали американското вето, додавајќи: „Срамниот предлог беше отфрлен. Тероризмот нема да биде награден“.
Свет
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на Палестинците и да ги принудат да му се покорат на Израел, изјави постојаниот претставник на Русија во ОН, Василиј Небензја.
„Со користењето на ветото по петти пат од почетокот на ескалацијата во Газа, тие повторно го покажаа својот вистински однос кон Палестинците. Според мислењето на Вашингтон, тие не заслужуваат да имаат своја земја“, изјави Небензја.
Тој истакна дека Палестинците се само пречка на патот кон остварување на интересите на Израел.
„САД се подготвени да ги затворат очите пред злосторствата на Израел врз цивилите во Газа, да го игнорираат илегалното населување на Западен Ерусалим на Западниот Брег. Целта е да се скрши духот на Палестинците, да се натераат безусловно да се потчинат на окупаторската власт, да се претворат во слуги и луѓе од втор ред, а можеби и целосно да се искоренат и протераат од нивната родна земја“, изјави Небензја по гласањето за нацрт-резолуцијата за прием на Палестина во ОН.
Како што истакна, резултатот од гласањето во Советот за безбедност на ОН за резолуцијата за прием на Палестина во ОН како полноправна членка покажува дека САД се речиси целосно изолирани.
„Страдањата на палестинските цивили одекнуваат во срцата и душите на милиони луѓе ширум светот. Во земјите кои доставуваат оружје за Западен Ерусалим се почесто се слушаат гласовите на оние кои се за забрана на таквите испораки. Резултатите од гласањето, кога Вашингтон се најде речиси целосно изолиран, зборуваат сами за себе“, рече рускиот дипломат.
Тој оцени дека американското вето е „неплоден обид да се запре неуморниот тек на историјата“.
„Гледајќи низ прсти на најнепромислените постапки на нашиот сојузник (Израел), немањето желба за барање праведни решенија е директен пат кон натамошно лизгање во бездната на војната што може да го зафати целиот регион“, рече Небензја.
Тој рече и дека таквата политика е недостојна за една голема сила.
„Историјата нема да ви го прости тоа. Ги повикуваме САД да го слушаат гласот на разумот и да размислат за последиците од нивните одлуки“, рече Небензја.
Свет
Потврдено: нема штета на иранските нуклеарни постројки
Нема штета на иранските нуклеарни постројки, соопшти Меѓународната агенција за атомска енергија на ОН.
Меѓународната агенција за атомска енергија објави дека ја следи ситуацијата „многу внимателно“ и повика на „екстремна воздржаност“.
IAEA can confirm that there is no damage to #Iran’s nuclear sites. DG @rafaelmgrossi continues to call for extreme restraint from everybody and reiterates that nuclear facilities should never be a target in military conflicts. IAEA is monitoring the situation very closely. pic.twitter.com/4F7pAlNjWM
— IAEA – International Atomic Energy Agency ⚛️ (@iaeaorg) April 19, 2024