Свет
Ромни прејде во минимално водство
Републиканскиот кандидат Мит Ромни премина во минимално водство пред американскиот претседател и кандидат на демократите Барак Обама во дневната анкета на Reuters и Ipsos објавена во средата по локално време, во мртвата трка две седмици пред изборите на 6-ти ноември.
За разлика од резултатите од истражувањето на јавното мнение во САД од вторникот кога ситуацијата беше обратно, Мит Ромни во средата води во дневната анкета на агенцијата Reuters и институтот Ipsos пред Барак Обама меѓу веројатните избирачи со 47 отсто наспроти 46 отсто гласови, што статистички безначајна разлика.
Ромни го задржа, пак, водството меѓу независните избирачи, коишто сочинуваат околу третина од избирачкото тело и ќе бидат клучниот фактор за победа на американските претседателски избори. Кога изборите би се одржале во моментов, според анкетата, 37 отсто од неодлучните гласачи би го поддржале рони, додека 31 отсто се на страната ан Обама.
Обама, од друга страна, води со 53 наспроти 42 отсто од гласовите меѓу 17 отсто од испитаните регистрирани гласачи, коишто велат дека го искористиле правото да гласаат порано.
Како и повеќето други испитувања, анкетата на Reuters и Ipsos покажа крајно изедначена трка набрзо по соочувањето на двајцата претседателски кандидата во нивната прва телевизиска дебата од 3-ти октомври.
Обама и Ромни се соочија во понеделникот се соочија во нивната трета и последна телевизиска дебата, а повеќето од анкетираните избирачи изјавиле дека дуелот на кандидатите не го променил нивниот став за кој и да е од двајцата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.