Свет
Амнести интернешенел ги обвини бунтовниците во Сирија за егзекуции на затвореници
Сириски бунтовници во провинцијата Идлиб во северниот дел од Сирија без судење ги егзекутираат заробените војници од редовната армија, соопшти заменикот-директор на програмата за Блискиот исток и Северна Африка при меѓународната организација за човекови права Amnesty International, Ен Харисон.
Како што вели Ен Харисон, организација поседува видеоснимки на која милитантите прво ги претепуваат, а потоа ги застрелуваат војниците на еден контролен пункт во провинцијата Идлиб.
„Потврдуваме дека таму, најверојатно, се извршени воени злосторства“, ја цитира изјавата на Харисон, арапската верзија на телевизиската станица Sky News.
Според претставничката на Amnesty International, вооружените противници на режимот на сирискиот претседател Башар ал-Асад ги игнорираат нормите на меѓународното хуманитарно право.
Бранителите на човековите права не биле во можност да утврдат на која од бунтовничките групи и’ припаѓаат борците коишто на видеоснимката вршат тортура врз војниците, а потоа ги егзекутираат заробениците.
Во сирискиот конфликт против регуларната армија и безбедносни сили активни се различни вооружени групи. Самопрогласената Слободна сириска армија (FSA) чијашто команда иако најави преместување на сириска територија, сé уште се наоѓа на територијата на соседна Турција се обидува да ги обедини овие групации под единствено водство, но досега не успеа во напорите за формирање единствена команда на вооружената сириска опозиција.
Според сириските власти, милитантите имаат странска помош од земјите кои отворено се залагаат за соборување на режимот на претседателот Башар ал-Асад. Тоа е, исто така, објавија дека на страната на вооружената опозиција во Сирија се борат странски борци, главно од Либија, Тунис и другите арапски земји./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.