Свет
Најмалку 11 загинати во поплавите во Индонезија
Единаесет луѓе загинале, а седум се водат како исчезнати во поплавите предизвикани од обилните дождови на островот Сулавези, на истокот на Индонезија, соопштија во петок спасувачките служби.
„Спасувачите пронајдоа 11 тела, додека седум лица се сметаат за исчезнати, меѓу кои четири деца и едно бебе од шест месеци“, изјави Роки Асикин, еден од одговорните за потрагата.
Поплавите беа предизвикани од поројните дождови проследени со невреме кое траеше два дена и во голема мера го подигнаа нивото на водите.
Индонезија редовно е погодена од поплави и лизгања на земјиште, што е последица на засиленото сечење на шумите, посебно во сезоната на дождови која почна. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.