Свет
Одговорноста за ракетирањето на Тел Авив ja презема Исламскиот џихад, Изрел одобри мобилизација
Одговорноста за ракетирањето на јужните делови на Тел Авив што најверојатно е причината за силната експлозија што во четвртото доцна попладне одекна ја презема групата Сараја ал-Кудс, военото крило на Исламскиот џихад, јави катарската телевизија Al Jazeera.
Засега сѐ уште нема потврда дека експлозијата во густо населениот дел на Тел Авив по што беа активирани сирените за предупредување е предизвикана од палестинска ракета. Нема информации ниту за евентуални настрадани или штети.
Израелски безбедносен извор за Reuters рекол дека еден проектил кој предизвикал воздушна тревога во Тел Авив, паднал во морето. Израелската армија соопшти дека втор проектил истрелан врз централен Израел паднал во ненаселена област во предградието на Тел Авив, Авива Ришон Лезион.
Израелскиот министер за одбрана Ехуд Барак најави посилна воена акција против палестинските милитанти, велејќи дека ќе платат за тоа што истрелале проектили кон Тел Авив.
Барак додаде дека ѝ наредил на армијата да активира уште резервисти за „да можеме да бидеме подготвени за секоја можност“, а израелскиот генерал Јоав Мордекај изјави дека станува збор за можност за мобилизација на 30 илјади припадници на резервниот состав, којашто може да се спроведе во секој момент.
„Во тек е ширење на акцијата во Газа“, изјави Мордекај на израелската телевизија, додавајќи дека министерот за одбрана го исполнил барањето на војската да се повикаа 30 илјади припадници на резервниот состав.
Советникот на министерот за одбрана на Израел, Џош Хантман за РИА Новости ја потврдил информацијата за мобилизација на резервните сили, но не сакал да го конкретизира обемот на мобилизацијата и потврдил дека се разгледува варијанта за копнена операција.
„Тоа е едно од можните сценарија, кое министерот и премиерот го разгледуваа… Постои таква можност“, изјавил Хантман за агенцијата.
Агенцијата Associated Press јавува дека започнал транспортот на пешадија и оклопни возила на границата меѓу Израел и палестинската енклава Појасот Газа. Најмалку десетина камиони со тенкови и оклопни возила и автобуси со војници се забележани во четвртокот навечер како се движат во насока на границата, пишува агенцијата.
Последен пат израелските војници во Појасот Газа навлегоа во Појасот Газа во зимата 2008/2009 година. Тогаш во операцијата „Лиено олово“ беа убиени повеќе од илјада Палестинци, а најголемиот број жртви имаше во копнените операции./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Граѓаните на ЕУ повеќе претпочитаат печатени отколку електронски книги
Уделот на граѓаните на ЕУ, кои купуваат печатени книги, списанија или весници преку интернет, е сè уште значително поголем од оние што купуваат е-книги, списанија или весници, покажува новото истражување на Евростат објавено по повод Светскиот ден на книгата и авторското право, кој се слави на 23 април.
На ниво на ЕУ, во 2023 година, 13,4 отсто од оние што купиле на три месеци пред истражувањето платиле печатена книга преку интернет. Тоа беше повеќе отколку во 2022 година (12,7 проценти), но помалку отколку во 2021 година (14,5 проценти).
Во набљудуваниот период 7,2 отсто од граѓаните во ЕУ купиле е-книга во споредба со 6,6 отсто во 2022 година и слично како во 2021 година. Најголем процент граѓани што купиле печатена книга во трите месеци од 2023 година пред истражувањето е во Холандија, во Луксембург и во Ирска – над 20 отсто, а најмалите, само малку повеќе од еден отсто, на Кипар.
Во исто време, најголем број на оние што купиле е-книга е забележан во Данска – 22 отсто, а најмал на Кипар – помалку од еден отсто. Данска и Финска се единствените земји членки на ЕУ во кои повеќе луѓе купувале електронски отколку печатени книги.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.
Свет
(Видео) Драматична снимка од спасување во Минесота, маж беше заглавен во запален автомобил
Група луѓе успеале да скршат запален автомобил и да спасат маж заробен во возилото, а драматичниот момент на спасувањето во Минесота беше снимен.
На видеото се гледа група луѓе околу автомобил зафатен од пламен. Тие очајнички се обидуваат да ја отворат вратата пред некој да го скрши прозорецот на возачот и потоа да го повлече на безбедно.
Инцидентот се случил минатиот четврток околу 18.30 часот.
Властите соопштија дека „хондата“ скршнала надесно и удрила во столб за осветление, а потоа и во заштитна ограда пред да се запали, создавајќи чад и голем пожар.
Возачот потоа бил пренесен во болница, но не добил сериозни повреди.