Свет
Русија и Турција и натаму различно гледаат на судирот во Сирија
Русија и Турција се согласија во понеделникот дека имаат различни погледи за решавањето на граѓанската војна во Сирија, што според аналитичарите укажува дека мали за шансите за брзо ставање крај на 20-месечните судири.
Една од главните теми на коишто во понеделникот во турската метропола Истанбул разговараа рускиот претседател Владимир Путин и неговиот домаќин турскиот премиер Реџеп Таип Ердоган, беше ситуацијата на Сирија. Меѓутоа, главна цел на овој еднодневен состанок од работен карактер во рамките на третото заседание на руско-турскиот Совет за соработка на високо ниво, е да не се дозволи различните ставови за Сирија негативно да влијаат на јакнењето на трговската и енергетската соработка.
Така, и покрај политичките несогласувања, Русија и Турција последните десет години ја засилија меѓусебната соработка, а посебно во областа на трговијата и енергетиката. Според руски извори, обемот на трговската размена во 2012 година би требало да достигне 35 милијарди американски долари. Москва е првиот снабдувач на Турција со природен гас и треба да ја гради првата нуклеарна централа во Турција со договорот потпишан во 2010 година. За време на посетата на Путин потпишани се низа договори за продлабочување на меѓусебната соработка.
Путин во понеделникот изјави дека целта на двете страни е трговската размена да се зголеми на 100 милијарди долари годишно и потврдил дека во најкус период ќе биде имплементиран проектот за грдење на нуклеарната централа во Турција договено во 2010 година.
„Позициите на Руската Федерација и Турција целосно се согласни кога станува збор за тоа што треба да се стори во Сирија, меѓутоа немаме заеднички пристап во врска со методите како тоа да се направи“, изјави Путин на заедничката прес-конференција со Ердоган.
Турција, загрижена поради сирискиот арсенал хемиско оружје, сѐ поголемиот број бегалци и сириската поддршка на курдските бунтовници, е главниот спонзор на вооружената сириска опозиција и водечкиот глас на западната акција против сирискиот претседател Башар ал-Асад.
За Турција, Русија, еден од главните сојузници на Сирија, е клучната алка за решавање на судирот поради кој стотици илјади сириски бегалци пребегаа во Турција и кој се заканува со избувнување на меѓу верска воја и во соседните земји. Бидејќи сириските бунтовници се мнозински сунити, а претседателот Асад им припаѓа на алавитите (огранок на шиитскиот ислам), кој ја има поддршката на Друзите и на христијаните.
„Нашата најголема желба е итно прекинување на крвопролевањата и судирите во Сирија и нашите министри за надворешни работи продолжуваат да работат на тоа“, рекол турскиот премиер Ердоган.
Русија и Кина двапати ја искористија можноста за вето во Советот за безбедност при Обединетите нации при носење резолуции со кои требаше да се изврши притисок врз претседателот Асад да замине од власта, со што беа блокирани Турција, Западот и арапските земји кои сакаат да ја добијат поддршката на ОН за отворено помагање на сириските бунтовници. Москва и Пекинг своите акции ги правдаа со тоа што со текстовите на резолуциите за крвопролевањата се осудува само режимот на Асад, но не и вооружената опозиција.
Аналитичарите сметаат дека по консолидирањето на сириската опозиција, Русија ги зајакнала напорите да прикаже дека не стои зад режимот на Асад и дека е неутрална и дека ја интересира само мирот во регионот. Меѓутоа, Москва досега воопшто не даде да се насети дека ќе го промени својот став во врска со решението на конфликтот во Сирија, а тоа се преговори коишто ќе доведат до избори и формирање нова влада во Дамаск.
„Ние не сме адвокати на сирискиот режим, не го штитиме. Нас нѐ загрижува иднината на Сирија“, изјавил Путин.
Додал дека ставовите на Турција и Русија за иднината на Сирија се исти, но дека се разликуваат според методи кои треба да се применат. Путин, исто така, рекол дека тој и Ердоган во текот на состанокот дошле до нови идеи на кои во иднана
Турските функционери во понеделникот ги брифираа странските новинари дека на Русија треба да ѝ се дадат гаранции дека нема ништо да загуби со заминувањето од власт на Асад. Русија, имено, е најголемиот снабдувач со оружје на Сирија со повеќе милионски зделки секоја година, а на сириска територија е сместена и руската морнаричка база, единствена воена ваза надвор од границите на поранешниот Советски сојуз.
Турскиот премиер во текот на прес-конференцијата истакнал дека покрај за ситуација во Сирија, било разговарано и за општата ситуација на Блискиот исток. Притоа Ердоган ѝ се забалгодарил на Русија за поддршката за палсетиснакта резаолуција во Генералното собрание на ОН за унапредувањето на статусот на Палестина во светската организација./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Макрон и градоначалничката на Париз најавија дека ќе пливаат во Сена: Сакаат да го докажат добриот квалитет на водата за Олимписките игри
Градоначалничката на Париз, Ан Идалго изјави дека ќе плива во Сена со францускиот претседател Емануел Макрон за да докаже дека квалитетот на водата на реката ќе биде на нивото потребно за претстојните Олимписки игри.
Идалго потврди дека ги поканила организаторите на Олимпијадата и високите француски функционери да пливаат во Сена на настан кон крајот на јуни или почетокот на јули оваа година, вклучувајќи го и Макрон, кој претходно ветил дека ќе плива во реката, пренесува АП.
„Ќе нуркаме во Сена и многу волонтери се појавија да нуркаат со мене и многу спортисти ќе бидат таму. Ќе биде безбедно да се плива во Сена“, изјави Идалго.
Претходно, француската невладина организација „Suffrider Foundation“ предупреди дека квалитетот на водата во Сена не е доволно добар за пливање за време на Олимпијадата, врз основа на шестмесечни мерења на квалитетот.
За чистење на оваа река ќе бидат инвестирани 1,4 милијарди евра, а од 1 јуни ќе почнат новите рутински мерења.
Организаторите на ОИ претходно најавија дека е можно да се одложат одредени настани во случај на голема загаденост на Сена, а во најлош случај ќе биде откажан пливачкиот дел од планираните триатлони.
Исто така, беше најавено дека пливањето во делови на Сена ќе биде дозволено за јавноста, за прв пат од 1923 година.
Свет
Јужнокореец уби 76 мачки, почнал да ги мрази откако му го изгребале автомобилот
Маж од Јужна Кореја е осуден на 14 месеци затвор за убиство на 76 мачки во еден од најлошите случаи на суровост кон животните во Јужна Кореја во последните години.
Човекот, кој има 20 години, беше осуден за кршење на јужнокорејскиот закон за благосостојба на животните минатата недела, соопшти Окружниот суд Чангвон во југоисточна Јужна Кореја. Судот не го објави името на човекот.
Човекот убивал мачки од декември 2022 година до септември 2023 година поради омразата кон животното која ја развил откако други мачки му го изгребале автомобилот, се наведува во образложението на пресудата.
Тој фатил мачки скитници и посвоил други од интернет-страниците пред да ги задави некои до смрт, а други да ги убие со ножици, смета судот.
Со автомобил прегазил една мачка.
Судот процени дека затворската казна е неизбежна затоа што тој постојано правел „неописливо сурови“ злосторства со предумисла.
Нагласено е дека изречената казна сепак го одразува фактот дека мажот немал криминално досие и се кае за сторените кривични дела, додавајќи дека е утврдено дека неутврденото психичко здравје на мажот било мотив за делата.
Човекот ја обжали пресудата.
„Овој случај на суровост, исто така, ја истакнува важноста од измена на Граѓанскиот законик за правно признавање на животните како живи суштества и дополнително зајакнување на нивната правна заштита“, рече Борами Сео, директор на јужнокорејската канцеларија на Humane Society International.
Свет
Убиен рапер, пронајден во хотелска гаража откако бил застрелан: Џастин Бибер јавно се прости од него
Раперот Крис Кинг почина во саботата во Нешвил, Тенеси.
Крис бил ранет околу 2 часот и 30 минути кога бил со пријателите во уличка, соопшти полицијата, пренесува „Пипл“.
Како што се наведува понатаму, тројца мажи им пришле и се обиделе да ги ограбат, а Кинг и уште еден маж биле ранети. Напаѓачите побегнале, а раперот бил пронајден во гаража на хотел.
View this post on Instagram
Веднаш бил пренесен во болница, но таму починал.
32-годишниот рапер беше близок пријател со пејачот Џастин Бибер, кој јавно се прости од него.
“Те сакам брат. Ова боли“, напиша Џастин Бибер, пренесува гореспоменатиот медиум.