Свет
Излезни анкети во Јапонија: Убедлива победа на либералите
Либералната демократска партија на Јапонија (LDP) убедливо победила на предвремените општи избори во неделата и се враќа на власт по три години во опозиција, покажаа излезните анкети по затворањето на избирачките места.
Партијата LDP којашто во Јапонија всушност ја претставува конзервативната струја, освоила 296 од 480 пратенички мандати, Нејзиниот постојан партнер партијата Нов Комeито освоила 32 пратенички места, покажуваат проекцијата на телевизијата Asahi, што значи дека јапонскиот конзервативен блок има двотретинско мнозинство во новиот состав на јапонскиот парламент.
Досега владејачката Јапонска демократска партија (PDJ) на премиерот во заминување Јошико Нода, освоила само 65 мандати, според истиот извор, Јапонската партија за обнова, нова десна партија во земјата, освоила 46 мандати.
Челникот на либералите Шизо Абе, по пет години така се враќа на премиерската функција. На функцијата тој дојде по оставката на Јуничиро Коизуми и со него започна серијата шест јапонски премиери во шест годни кои се изменуваа поради нестабилноста на владите. Педесет иосумгодшниот Абе, кога првпат стана премиер беше најмладиот Јапонец кој стапил на таа функција.
Партијата PDJ по историската победа од 2009 година кога стави крај на полувековното владеење на либералите со Јапонија, ги разочара гласачите кои на партијата ѝ забележуваа за лошо справување со економските и општествени проблеми и неисполнување на ветувањата, како што се бесплатното образование за сите средношколци, семејните надоместоци, намалувањето на даноците за малите и средните претпријатија, укинување на патарините итн.
Довербата PDJ ја загуби и поради лошото справување со последиците од катастрофалниот земјотрес и гигантското цунами од март 2011 година што ја предизвика нуклеарната криза со оштетената централа Фукушима. Според мислењето на Јапонците, владата пропуштила тогаш да дејствува брзо и компетентно. Цената за своите пропусти PDJ веќе ја плати во летото 2010 година, кога го загуби мнозинството во Сенатот. Премиерот Јошихико Нода кон средината ноември поради тоа го распушти парламентот по што беа распишани изборите десет месеци пред редовниот термин.
Либералите по изборниот пораз во 2009 година под лидерството на Абе успеаја да се консолидираат и анкетите пред изборите ја најавуваат нивната победа.
Новата влада ќе мора покрај економските и општествените проблеми, ќе мора да се соочи и со товарот на односите со соседна Кина која како економски гигант ја истисна Јапонија од втората позиција на најсилните светски економии, со којашто има и територијален според околу малиот архипелаг Сенкаку во Јужнокинеското Море, како и со непредвидливата Северна Кореја којашто со ракетните и нуклеарни тестирања претстави безбедноста закана. Според аналитичарите, победата на Абе кој за време на неговиот премиерски мандат го нарекуваа „јастреб“ во надворешната политика, ќе има сигурно реакции во односите со Кина./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.