Експлозивната направа беше фрлена во кафулето „Велдер паб“ во центарот на Подгорица.

Тоа се случило околу три часот наутро, на булеварот Иван Црнојевиќ, пренесува ЦДМ.

Силна детонација ги вознемирила жителите на тој дел од градот, а полициската истрага сè уште трае.

Кинескиот премиер Ли Кеќенг денеска во Пекинг се состана со лидерката на Хонгконг, Кери Лам, со која разговараше за состојбата на економијата во овој полуавтономен кинески регион по повеќемесечните насилни протести.

„Владата на специјалниот административен регион мора да продолжи со напорите да стави крај на насилството и да стави крај на хаосот во согласност со законот“, рече Ли, а пренесе агенцијата „Ројтерс“.

Посетата на Лам доаѓа по бројните шпекулации дека таа може да добие нови директиви во разговорите со кинескиот претседател Си Џинпинг, вклучително и можна реконструкција на владата.

Ли исто така рече дека судирите околу промените во законот за екстрадиција го повредиле општеството во Хонгконг во сите обласи, пренесе АП.

„Во изминатата година, нашите политики, економија и општество навистина се соочија со големи проблеми“, рече Лам.

Американската влада тајно протерала двајца официјални претставници на кинеската Амбасада,по нивниот упад во воената база во Вирџинија, објави „Њујорк Тајмс“, повикувајќи се на неименувани извори.

Весникот наведува дека еден од двајцата кинески службеници се верува дека бил разузнавач кој работел во кинеската Амбасада.

Според весникот, кинеските службеници кои влегле во базата во Норфлок во Вирџинија оваа есен, запреле само кога противпожарни возила им го блокирале патот.

Во таа прилика, тие им рекле на стражарите дека се загубиле.