Свет
Авганистанските талибани ликвидираа девојка која била невладин активист
Девојката којашто заедно со нејзини придружнк беа погубени во неделата од страна на милитантите на радикалното движење Талибан во авганистанската покраина Вардак за „шпионирање во полза на САД“, бил активистка на непрофитна агенција
Според авганистанската агенција Pajhwok, девојката се занимавала со фотографирање на безбедносно проблематичната област. Според еден од локалните жители, кој сакал да остане анонимен, Авганистанката неодамна се вратила дома од САД.
Како што пишува авганистанскиот портал Khaama Press, девојката била киднапирана од страна на група талибани предводена од нивниот воен командант Мула Рохани пред три дена. Според портпаролот на полицијата во провинцијата генералот Абдула Вали, телата на мртвата девојка и мажот што ја придружувал со знаци на тортура и рани од куршуми биле обесени од страна на талибаните на дрво, а биле пронајдени во местото Хаџ Омари, каде талибаните вообичаено ги оставаат останките од своите жртви. На телото на мртвата девојка била закована порака во којашто се вели дека егзекутираната била американски шпион, пишува агенцијата.
Во меѓувреме, како што се покажало во текот на истрагата, таа била активист на непрофитна организација која обезбедувала за локалните жители опрема за ткаење и машини за шиење.
Полицијата уапсила еден од осомничените за овој случај. Според министерството за женските прашања на Авганистан, во првата половина на тековната авганистанскаа година (којашто започнува на 21-ви март), во земјата се регистрирани повеќе од 3.500 случаи на тешки облици на насилства врз жените./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Свет
Русија со најава: Ги преместуваме системите „Искандер“ на границата со Финска
Русија најави дека ќе ги премести ракетните системи способни да носат нуклеарно оружје на границата со Финска. Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.
Русија ја нарече провокативна, одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.
Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.
„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.
„Оперативно изгледа апсурдно да се приближуваат вакви ракетни системи со долг дострел до нашата граница, тие се лесни цели за нас“, додаде тој.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.