Свет
Обама ја положи претседателската заклетва на јавната церемонија
Вториот претседателски мандата на Барак Обама, всушност започна на 20-ти јануари точни напладне, во согласност со уставот на САД, кога избраниот претседател мора да ја положи заклетвата, а во понеделникот само беше јавно повторена церемонијата.
Кога овој датум, 20-ти јануари се паѓа во недела, инаугуративната церемонија не се спроведува, бидејќи не работат судовите и другите официјални институции. Затоа, претходно американскиот претседател Барак Обама ја положи свечената заклетва на приватна церемонија, а во понеделникот само ја повтори.
Свечената церемонија во неделата се одржа во Сината одаја на Белата куќа во 11.55 часот по локално време (18.55 часот по македонско време) и заврши точно на пладне. Имено, во 12 часот на 20-ти јануари, според уставот САД, заврши првиот претседателски мандат на Барак Обама. На скромната церемонија присуствуваа само членови на семејство, неколку соработници од администрацијата и потпретседателот Џозеф Бајден, кој ја положи свечената заклетва порано утрото во својата резиденција.
„Јас, Барак Хусеин Обама, се колнам во честа дека верно ќе ја извршувам функцијата претседател на Соединетите американски држави и со сите свои сили, ќе го чувам, заштитувам и бранам Уставот на Соединетите држави. Господ да ми помогне!“, изјави 44-от претседател на САД, положувајќи ја раката на Библијата.
Свеченоста на инаугурирацијата на претседателот која се одржа во понеделникот на Капитол Хил, кога Обама ја положи свечената заклетва на големата платформа кон западниот влез во Конгресот од којашто се протега поглед на километарската авенија Нешенел Мол ја водеше претседателот на Врховниот суд, Џон Робертс. Потпретседател Џозеф Бајден, пак, положи свечена заклетва пред судијката на Врховниот суд, Соња Сотомајор, којашто ја сметаат за протеже на Обама.
На свеченоста присуствуваа вкупно 1,6 милиони луѓе, вклучувајќи и членови на Конгресот, на администрацијата, судии на Врховниот суд, гувернери, како и членови на дипломатскиот кор. На Еспленада, главниот булевар во американската престолнина Вашингтон, церемонијата на специјално инсталирани екрани ја следеа меѓу 600 и 800 илјади луѓе.
По инаугурацијата на центарот на Вашингтон се одржува традиционалната парада. Вечерта инаугуративната свеченост завршува со повеќе ткн инаугуративни балови во Вашингтон, од кои десет се сметаат за „официјални“ (на два ќе присуствуваат претседателот и првата дама) и многу „неформални“. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.