Свет
Исламистите запалиле библиотека со манускрипти во Тимбукту
Исламистичките бунтовници повлекувајќи се од Тимбукту пред налетот на француските и единиците на Мали ја запалиле тамошната библиотека во која се чуваат илјадници непроценливи манускрипти, изјави во понеделник градоначалникот на Тимбукту.
„Бунтовниците го запалија новоизградениот институт Ахмед Баба што го изградија Јужноафриканците…тоа се случи пред четири дена“, изјави телефонски за Ројтерс Хале Оусмане.
Тој рече дека информацијата ја добил од лицето задолжено за комуникации, кој еден ден претходно го обиколи подрачјето јужно од градот.
Оусмане не можеше веднаш да каже колкава е штетата на зградата. Француските и единиците на Мали во понеделник воспоставуваат контрола над градот.
Градоначалникот рече дека исламистичките бунтовници, кои го надгледуваа овој историски трговски град откако беше заземен од Туарезите за време на бунтот од 1 април, исто така ја запалиле неговата канцеларија и куќата на еден парламентарен пратеник.
Институтот Ахмед Баба, е една од неколкуте библиотеки и збирки во градот кои содржат чувствителни документи кои датираат од 13 век, наречена е по Шекспировиот современик роден во Тимбукту и во него се чуваат 20.000 манускрипти. Некои се чуваат во подземни простории.
Борците на исламистичкиот сојуз ги уништиле и старите светилишта и мавзолеи свети на умерените муслимани кои ги почитуваат суфиите. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детално пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од околу 4,5 километри, во месноста Бањско Поле до градот Бор, и во таа прилика не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детално пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување на сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март, во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од околу 10 квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.