Свет
Уште шест новинари приведени во британската афера со прислушување
Шестмина новинари на згаснатиот британски таблоид News of the World се уапсени во среда, го пренесува Би-Би-Си соопштението на полицијата за продолжување на истрагата во врска со аферата за прислушување на приватни телефони и мито, заради што претходно се уапсени десетици луѓе, меѓу нив полицајци и политичари.
Тројца мажи и три жени се уапсени во среда наутро во Лондон и Чешир, во рамки на истрагата за прислушување на приватни разговори во 2005 и 2006 година, соопшти Скотланд Јард.
Двајца од шестмината уапсени пишувале за таблоидот „Сан“, рече полицијата.
News of the World од групата на медиумскиот магнат Руперт Мердок беше згаснат во 2011 година, кога беше откриено дека новинарите од тој таблоид го кршеле законот прислушувајќи ја говорната пошта на 4.000 луѓе, познати личности, политичари и жртви на злосторство како 13 годишното девојче Мили Довлер, киднапирана во 2002 година и пронајдена мртва. Со прислушувањето на нејзината говорна пошта новинарите ја навеле полицијата на погрешна трага и ја отежнале истрагата.
Аферата разоткри дека новинарите ги купувале податоците од полицијата, заради што оставки поднесоа шефот на полицијата и неговиот помошник. Некои полицајци се уапсени, како и поранешниот советник за медиуми на премиерот Дејвид Камерон, а новинарот кој прв проговори за скандалот е пронајден мртов. Уапсени се десетици лица, а засега се обвинети 15 од уапсените. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.