Свет
Чешкиот премиер Нечас поднесе оставка
Чешкиот премиер Петр Нечас во понеделник поднесе оставка, по корупцискиот скандал во кој е вмешана и неговата најблиска соработничка и шефица на неговиот кабинет.
Со ова Чешка влегува во периодот на несигурност за тоа кој ќе ја состави следната влада. Според чешкиот уста, оставката на премиерот, во случајот Петр Нечас подразбира оставка на целиот негов владин кабинет од десниот центар, а аналитичарите очекуваат дека изборот на новиот мандата нема да биде едноставен.
Нечас ја поднесе оставката откако полицијата ја уапси влијателната шефица на неговиот кабинет и негова блиска соработничка Јана Нагиова под обвинение дека ги поткупувала пратениците и за своите лични интереси ја злоупотребувала воено-разузнавачката служба. Според чешките медиуми, една од жртвите на нелегалното шпионирање била и сопругата на чешкиот премиер, од којашто тој во моментов се разведува.
Премиерот Нечас изјави дека не знае ништо за тоа шпионирање, меѓутоа обвинувањата се премногу сериозни и коалициските партнери му сугерираа дека веќе не можат да го поддржуваат. „Утре ќе поднесам оставка“, изјави Нечас во неделата, по долгиот состанок на раководството на ODS.
Додал дека неговата партија ќе се обиде да создаде нова влада со друг мандатар, како би останала на власт до редовните избори коишто треба да се одржат пролетта 2014 година. Сепак, засега не е сигурно дека тоа ќе го поддржат коалициските партнери на ODS и претседателот Милош Земан.
Чешкото правосудство објави претходно во саботата дека одредило притвор за Јана Нагилова, околу која се врти корупцискиот скандал кој од четвртокот ја потресува земјата.
Чешките таблоиди подолг период наназад нагаѓаат за односите меѓу Нечас и Нагилова. Премиерот во вторникот објави дека се разведува од сопругата. Нагилова, пак, според полицијата, вршела „притисок врз Петр Нечас за да постигне да се разведе од сопругата Радка“. Обвиненијата се подигнати и против двајца генерала и еден полковникот од чешкото воено разузнавање.
Нагиова, исто така, е осомничена дека во ноември 2012 година го организирала сменувањето на тројца „бунтовни“ пратеници на партијата ODS во замена за влијателни позиции во јавната администрација. Двајцата од нив, поранешниот министер з аземјоделие Иван Фукша и поранешниот претседател на пратеничката група на партијата Петр Тлухор, исто така, во саботата беа задржани во притвор.
„Корупцијата сигурно може да биде во облик на важно работно место или услуги од нематеријален карактер“, изјави обвинителот Иво Иштван. Доколку се докаже ова дело, на Нагиова ѝ се закануваат пет години затвор.
Цел на полициските рации ноќта кон четвртокот беа и неколку чешки бизнисмени и контроверзни лобисти поврзани со градските власти на чешката престолнина прага, исто така, осомничени за многу малверзации. Меѓутоа, тие во последен час успеале да побегнат од земјата. Полицијата во 31 рација запленила меѓу 4,7, и 5,8 милиони евра, како и десетици килограми злато. Се смета дека токму Нагиова е вмешана во сите тие афери./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.