Свет
Разак: Авионот се урнал, нема преживеани на летот МХ370
Сите докази покажуваат дека авионот на летот МХ370 се срушил и дека никој од 239 патници не го преживеал падот, соопшти денеска компанијата „Малезија ерлајнс“.
„Последните докази од истрагата покажаа дека авионот се срушил во јужниот дел од Индискиот Океан”, им порачала авио – компанијата на семејствата на исчезнатите.
Последните информации за судбината на летот МХ370 на семејствата на исчезнатите им биле соопштени на итен брифинг и истите им ги соопштил премиерот на Малезија, Наџиб Разак, кој на кратката конференција за новинари истакнал дека во незапаметена потрага до сега за авион биле употребени до сега некористени методи.
„Врз основа на новите податоци, со длабока тага и жалење заклучивме дека летот МХ370 завршил на југот од Индискиот Океан”, рекол Наџиб, кој не сакал да одговара на новинарските прашања.
Премиерот навел дека врз основа на новите, до сега некористени методи во ваков вид истрага, било заклучено дека летот МХ370 летал на јужниот коридор и дека неговата последна позиција била забележана во Индискиот Океан, западно од Перт.
„Оваа информација ја споделуваме со јавноста од почит кон семејствата на исчезнатите лица”, рекол Наџиб.
Тој апелирал до медиумите во овие тешки и тажни моменти да ја почитуваат приватноста на семејствата на настраданите во несреќата. За утре најавил нова прес – конференција на која како што истакнал ќе ги изнесе деталите за овој трагичен настан.
Претходно, семејствата на настраданите биле повикани на итен брифинг, а во салата во која Наџиб Разак им ја соопштувал веста биле присутни и медицински екипи./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.