Свет
Зависници од Скопје по метадон во Тетово
Локалната и централната власт се пресметуваат, агонијата на над 500 зависници продолжува
Локалната и централната власт се пресметуваат, агонијата на над 500 зависници продолжува
Отворањето нови центри за лекување зависници од дрога во три скопски општини доцни бидејќи локалните самоуправи, особено во Ѓорче Петров, не се согласуваат со тоа, тврди министерот за здравство Владо Димов.
Тој денеска треба да одржи итна средба со градоначалниците на Скопје и на општините Ѓорче Петров и Газа Баба, на која треба да се постигне согласност за отворање на центрите, каде што би се лекувале околу 200 зависници од дрога. За оваа иницијатива има пари од Глобалниот фонд на ОН, а е обучен и медицинскиот кадар.
Иако иницијативата за новите центри во минатата недела била ставена на дневен ред на седница на Владата, таа во последен час била вратена на разгледување поради што повторно е одложено решавањето на овој проблем.
Градоначалникот на Ѓорче Петров, Сокол Митревски, тврди дека не е против отворање на центарот, но има забелешки за начинот на кој се комуницира со локалната самоуправа.
– Не сум информиран и од новинарите дознавам дека има состанок. Не ја почитуваат доволно локалната самоуправа и без консултација со нас сакаат да го протуркаат предлогот, а тоа е нонсенс. Немам ништо против предлогот, но треба да се ајде разумно решение. Подрумите во Поликлиниката „Ѓорче Петров“ не се соодветно место за нега на зависници. Ако навистина се грижат, нека отворат центар, но да има добри услови – вели Митревски.
Освен во оваа општина, уште два центра треба да се отворат во Гази Баба и Чаир во простории на Здравствениот дом – Скопје. Во еден центар би се лекувале по 80-ина зависници, кои таму би ја добивале и метадонската терапија.
Министерот Димов тврди дека „поради одредени недоразбирања и спротивставувања, се бара начин да се спроведе одлуката“.
– Има пари и неопходно е да има нови центри. И овие лица имаат право да се лекуваат и ќе направиме се’ да им го овозможиме тоа – вели Димов.
Додека централната и локалната власт да се договорат, агонијата на повеќе од 500 зависници од Скопје продолжува. Тие со години чекаат да бидат ставени на метадонска терапија.
– Бидејќи нема место во Скопје, патувам во Тетово за да добијам метадон – вели зависник од Скопје.
Револтирани се и во Здружението „Доверба“.
– Уште пред еден месец министерот Димов ни вети дека центрите ќе се отворат, а нема ништо од тоа. Постои огромно незадоволство и паника кај родителите, кои децата ги носат на терапија кај приватни лекари, чекајќи со години на нови центри. Ако и утре не се реши овој горлив проблем, ние ќе организираме прес-конференција на која ќе најавиме што ќе преземеме – вели Кети Тодорова, претседателка на „Доверба“.
Лекарите очекуваат максимална поддршка за отворање нови служби во општините Чаир, Ѓорче Петров и Гази Баба, каде што треба да почне да се спроведува третманот за лекување зависници од дроги, наспроти стравувањата дека во некои локални заедници градоначалниците биле иницијатори за создавање лоби-групи кај населението за да се спротивстават на иницијативата.
– Битно е службите да проработат за да се намалат негативните последици од злоупотребата на метадонот и да се намали притисокот врз центарот во Кисела Вода – предупредуваат лекарите.
Според нив, одлични резултати во лекувањето на зависниците веќе биле постигнати во Тетово, Куманово, Струмица, Штип, Охрид и Гевгелија, каде што центрите функционираат без проблем.
Љубица Балабан
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.