Свет
Дактилографката не отчука крај на криминалот
Обвинетата дактилографка доаѓа на работа, иако претседателката на судот, Добрила Кацарска тврдеше дека била суспендирана
Обвинетата дактилографка доаѓа на работа, иако претседателката на судот, Добрила Кацарска тврдеше дека била суспендирана
Дактилографката од извршното одделение во Основниот суд 1 во Скопје, која пред еден месец беше обвинета дека фалсификувала решение за исплата на судска одлука за неколку десетици илјади евра, се’ уште работи во судот на истото работно место.
Против неа и против адвокатот на чија сметка легнале парите, се’ уште нема официјална истрага.
Судијата Милан Доганџиски, задолжен за контакти со јавноста, вели дека дактилографката си е на своето работното место и дека против неа нема судска постапка. По објавувањето на информацијата за криминалот претседателката на судот, Добрила Кацарска, рече дека дактилографката, чие име не го обелодени, била суспендирана веднаш по завршувањето на внатрешната истрага во судот. Кацарска тогаш информираше дека внатрешната контрола била иницирана од известување добиено од Народната банка дека има нејаснотии во еден предмет.
Тогаш било откриено дека на спорното решение за исплата на неколку десетици илјади евра бил запишан број на друг предмет што го водел друг судија, а имињата на странките биле измислени. Откриени биле и други сомнителни решенија за исплата на отштета, но и тие се’ уште се испитуваат. Веднаш по пријавувањето на случајот во МВР бил запленет компјутерот на дактилографката, но информации за наодот од вештачењето се’ уште нема.
Парите од фалсификуваното решение биле префрлени на сметката на адвокатот Кирил Смичковски. Името на дактилографката се’ уште не се обелоденува. Парите што легнале на сметката на адвокатот биле всушност отштета што еден скопјанец ги добил оти бил претепан. Адвокатот негирал дека бил вмешан во овој случај. Истиот адвокат неодамна бил осуден оти зел пари што како отштета за последици од воениот конфликт ги добил негов клиент.
(Н.Н.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.