Свет
Според кои критериуми и проекти Владата му дала пари на ССМ
Комитетот бара ССМ да ги врати парите што ги добил во минатата година, бидејќи не е ниту здружение ниту фондација
Комитетот бара ССМ да ги врати парите што ги добил во минатата година, бидејќи не е ниту здружение ниту фондација
Според кои критериуми и за кои проекти Владата награди стотина невладини организации со 15 милиони денари во ек на изборната кампања, и како ССМ доби пари кога не е ниту здружение ниту фондација, прашуваат невладините организации, кои се револтирани бидејќи не добиле одговор од Владата ни за ланската распределба на парите.
Хелсиншкиот комитет откако се обидувал да ги дознае критериумите и проектите за кои Владата во минатата година поделила пари, кон крајот на минатиот месец поднесол тужба до Врховниот суд со кој бара Владата да го поништи ланскиот конкурс и парите кои ги одобрила како помош на ССМ да ги прераспредели на други здруженија и фондации. Во Хелсиншки велат дека ССМ не е ниту здружение ниту фондација и велат дека целиот процес во минатата година се одвивал нетранспарентно, а таа практика на Владата продолжила и годинава.
– Нема ниту една законска основа ССМ да добие пари што ги распределува Владата, а кои се наменети за невалидните организации. Синдикатот не е регистриран како здружение на граѓани, ниту како фондација. Прекршен е и законот за работни односи, во кој пишува дека работодавачите на ниту еден начин не смеат да ги финансираат синдикатите. Ако се знае дека најголем дел од синдикатите од ССМ се од јавната администрација чиј работодавец е токму Владата, во никој случај ССМ не можел да добие пари – вели Мирјана Најчевска, претседател на Хелсиншкиот комитет за човекови права.
Според неа друг проблем е што невладините организации се непрофитабилни организации, а ССМ е профитабилна.
Од Владата вчера не беа достапни да одговорат колку невладини организации конкурирале за средствата за оваа година, со колку проекти и според кои критериуми е утврдено кој проект колку пари да добие или не.
Во тужбата на Комитетот до Врховниот суд, стои дека законски здружението на граѓани и фондациите се запишуваат во регистар кој го води Основниот суд, додека пак синдикатите се во регистарот на Министерството за труд.
Во образложението на тужбата во Хелсиншки велат дека постои суштествена разлика помеѓу синдикатите и здруженијата на граѓани и фондации, и според ова ССМ во никој случај не може да се поистоветува со здруженијата, ниту да добива пари од буџетот, кои се наменети за финансирање здруженија на граѓани и фондации.
Тие во тужбата прецизираат дека законски, парите се добиваат врз основа на претходно подготвени програми (проекти) што ги одобрува Владата.
– Спорно е што во владината одлука не е наведено врз основа на која програма се одобрени пари за Сојузот на синдикатите, ниту е објаснето зашто токму таа програма е одобрена, а не програмата на некоја друга организација, која е одбиена – велат од Хелсиншкиот комитет за човекови права.
„Дневник“ завчера објави дека Владата на две недели пред избори, во ек на изборната кампања почести стотина невладини организации со 15 милиони денари или 242.000 евра од буџетот. И годинава најмногу ќарија Сојузот на Синдикатите на Македонија дури 2 милиона денари, односно 32.786 евра и Сојузот на борците – 1.250.000 денари или 20.400 евра. Другите невладини организации добија од 20.000 денари до најмногу 300.000 денари. Оваа граница ја надминаа само Сојузот на организации на жени и Сојузот на здруженија од егејскиот дел на Македонија, кои добија по 350.000 денари, односно по 5.700 евра.
За владата не беше ништо спорно во тоа што овие пари се распределуваат во ек на изборната кампања.Овие пари лани се распределиле на крајот од ноември. Инаку во минатата година на крајот од ноември ССМ доби повеќе од 2 милиона денари, во претходната 4,5 милиони денари помош од Владата, а во 2003 година 2,5 милиони денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.