Свет
Ќе се формира заедничка компанија за управување со гасоводот
Владата и „Макпетрол" се при крај со техничките процедури за новата мешовита компанија
Владата и „Макпетрол" се при крај со техничките процедури за новата мешовита компанија
Владата и „Макпетрол" до крајот на другата недела треба да ја формираат мешовитата компанија која ќе управува со гасоводниот систем во државава, а уделот на двата субјекта ќе биде еднаков. Како што дознаваме, сите технички постапки и процедури од двете страни течат без никакви пречки и, најверојатно, брзо ќе биде завршена потребната процедура. Една од работите која треба да се заврши е пререгистрација на актуелното јавно претпријатие за управување со гас „Гама" во акционерско друштво. Директорот на „Гама", Владимир Петровски, вели дека Владата е таа која треба да ја заврши административната процедура, заедно со „Макпетрол", а кога тоа ќе биде готово, ќе се постапи според официјалните инструкции. Претпријатието чека на сигнал од Владата.
Всушност, Владата дури сега реши да го стави во функција протоколот за соработка кој уште лани беше потпишан од вицепремиерот Минчо Јорданов и надлежните на „Макпетрол". Според него, гасоводниот систем е заеднички потфат на Владата и на „Макпетрол", а „Гама" во рок од 30 дена по потпишувањето на протоколот треба да се трансформира во акционерско друштво.
Одлуката за формирање заедничка компанија со „Макпетрол" за снабдување со гас Владата ја донесе во почетокот на оваа недела, откако на крајот на мај ч предложи на компанијата управување со гасоводот во сооднос 50:50. Од „Макпетрол" молчеа извесно време за владиниот предлог, а потоа го прифатија, па како резултат на тоа, започнаа активностите за формирање мешовита компанија, која ќе функционира независно од нерешениот судски спор за сопственоста.
Со последниот предлог за фифти – фифти управување со гасоводот, Владата, всушност, попушти во корист на „Макпетрол", бидејќи според последната судска одлука, таа беше назначена за мнозински сопственик на 55 отсто од гасоводот. Ниту Владата ниту „Макпетрол" не беа задоволни од пресудата, а од компанијата најавија целосна ревизија на водената судска постапка за сопственоста на гасоводот.
Деценискиот спор меѓу државата и „Макпетрол" е проблем со кој се соочија неколку влади и, најверојатно, тој ќе се пренесе во наследство и на наредната влада што ќе се формира по изборите. Така останува и натаму неизвесно кога ќе се случи проширувањето на гасоводниот систем во земјава и кога ќе дојдат новите инвестиции во корист на фирмите и на граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.