Свет
Архивското суво злато исчезнува
Не сме знаеле за тоа што се случувало или што се уште се случува во најголемата национална куќа, која чува извонредно значаен документациски материјал од сите сфери на уметноста, вели Веле Смилевски, секретар на Друштвото на писателите на Македонија, за начнатиот фонд на видео и аудиоматеријали на МТВ, чија агонија деновиве го доживува својот врв.
УМЕТНИЧКИТЕ ЗДРУЖЕНИЈА ЗАГРИЖЕНИ ЗА СОСТОЈБАТА ВО МТВ
Весна Дамчевска
Не сме знаеле за тоа што се случувало или што се уште се случува во најголемата национална куќа, која чува извонредно значаен документациски материјал од сите сфери на уметноста, вели Веле Смилевски, секретар на Друштвото на писателите на Македонија, за начнатиот фонд на видео и аудиоматеријали на МТВ, чија агонија деновиве го доживува својот врв.
Тој вели дека сите се загрижени за зачувувањето на тој скапоцен материјал од непроценливо значење.
– Сепак, не сме во состојба да преземеме нешто конкретно освен да ја искажеме нашата загриженост. За тоа треба да се погрижат одговорните служби и инстанци внатре во куќата, но и надвор од неа. ДПМ, во август, на редовната седница на претседателството ќе го разгледа ова прашање, по што ќе заземеме и официјален став. Во моментов можеме само да изразиме загриженост и да побараме одговорност, вели Смилевски.
Тој извесно време работел во оваа национална информативна куќа и се сеќава дека таму имало извонредни документарци – портрети на истакнати писатели, уметници, филмски работници.
– Ние тоа го викавме „суво злато“. Имаше многу специјализирани емисии во кои
хронолошки се следеше развојот на современата македонска литература преку интервјуа, рецензии, одгласи и критики. Едно вакво богатство секоја цивилизирана држава и држава што ги вреднува и ги почитува националните културни вредности би го зачувала на секаков можен начин. Катастрофа е ова што ни се случува, вели Смилевски.
Љубомир Јакимовски, поранешен директор на МТВ, зборувајќи за актуелните состојби во оваа куќа, дел од одговорноста за ваквите состојби пренесе и на професионалните здруженија на уметници.
– Здруженијата на писателите, на композиторите, на сликарите, филмските работници и продуценти никогаш не ќе можат да се ослободат од одговорноста што не го кренаа гласот против разграбувањето на фонотечниот и телевизискиот документациски материјал, против укинувањето на речиси сите оркестри, исчезнувањето на уметничките, образовните и документарните програми, кои се израз на културниот и националниот идентитет на македонскиот народ – рече Јакимовски.
Претседателот на Сојузот на композитори на Македонија, Стојан Стојков, вели дека
разграбувањето и уништувањето на документацискиот материјал во МТВ е процес што трае од поодамна.
– Уште пред три години почнавме да реагираме, кога се сменија директорите, кога почнаа да се отпуштаат ансамблите и да го снемува материјалот. Реагиравме со писма, со директно обраќање, по телефон, но раководството на МТВ се оглуши на нашите реакции. Од продукцијата на МТВ, порано МРТ, зависи и продукцијата на македонските композитори и афирмацијата на македонското музичко творештвото – вели Стојков.
Пример за тоа дека во МТВ ништо не функционира како што треба, според Стојков, е и договорот за користење на музичките материјали на МРТВ за некомерцијални потреби на СОКОМ, кој не е потпишан цели две години.
– Што се случува последниве денови и недели немаме информации. Наш единствен претставник во оваа куќа порано беше Ристо Аврамовски, но откако тој си замина оттаму, немаме никаков увид. Особено што сега е мртов период и посебно што тоа е институција што колку што е отворена, толку е и затворена. Сум разговарал неколкупати и со директорката Гордана Стошиќ по телефон и сум ја искажал нашата загриженост околу исчезнувањето на огромниот фонд на македонско музичко творештво (тука се наоѓаат сите материјали што се снимаа во студијата), ама кој ме слуша мене – вели Стојков.
Според него, одговорноста за уништување на се што значи материјализација на македонското музичко творештво треба да ја понесе дирекцијата на оваа куќа.
Здружението на филмските работници, колку што знае новиот претседател Роберт Насков, досега не апелирало за зачувување на целокупниот документациски материјал во МТВ од едноставна причина што немало информации дека нешто такво се случува.
– Во секој случај Здружението на може да влијае на процесите во оваа куќа бидејќи тоа е посебен медиум, кој си има свое раководство поставено од Собранието на државата. Сепак, ценам дека неодговорноста на поединци во МТВ може да доведе до губење на значајни историски моменти не само за филмската уметност туку и за другите уметности и за културата, воопшто – вели Насков.
Негувањето на културното наследство е меѓу главните функции на радиодифузниот сектор.
– Модерниот јавен радиодифузен сервис во Европа, но и во некои воневропски земји (Канада, Австралија) ја изразува и повеќеслојноста на мултикултурното општество што е и наша специфика – потсетува некогашниот директор на оваа куќа Јакимовски.
Подеми и падови
Посебно импресивен беше концертот што во рамки на т.н. музичка година на Европското радио го организира Македонското радио во МНТ каде што „Леб и сол“, кои тогаш беа на врвот на својата популарност, ги возбудија слушателите на преку 35 европски државни радиостаници, членки на европската радиодифузна мрежа, се сеќава Јакимовски.
-Првите реакции за настапот на „Леб и сол“ беа дали е тоа снимка или е концерт во живо. Концертот одеше во живо и тоа е нешто со што Македонското радио ќе може секогаш да се гордее. Долго време немавме касетна и музичка продукција. Со првото Валандово, продадено во 120 илјади примероци беше исплатена инвестицијата во опремата. Неразбирливо е МНТ денеска да не може да продуцира ниедно цеде. Независните продуценти ја поддржуваат, но ние веќе и немаме помлада генерација пејачи на народна или новосоздадена музика. А, негувањето на културното наследство, особено на фолклорното, се една од основните функции на радиодифузниот сектор – вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.