Свет
Атрактивна локација преку ноќ добила нов сопственик
Без логично образложение и надвор од законската процедура, струмичкиот катастар запишал нов сопственик на атрактивно место големо 270 квадратни метри, локација на која веќе се наоѓа магацинот на фирмата „Струмичко поле“во Струмица.
ГРЕШКА ИЛИ КРИМИНАЛ ВО СТРУМИЧКИОТ КАТАСТАР
Без логично образложение и надвор од законската процедура, струмичкиот катастар запишал нов сопственик на атрактивно место големо 270 квадратни метри, локација на која веќе се наоѓа магацинот на фирмата „Струмичко поле“во Струмица. Вистинските сопственици од оваа фирма обвинуваат дека надлежните во катастарот на подол начин и во криминална спрега со „Конзервна фабрика“, лани ја запишале и оваа фирма како сопственик на локацијата. Местото што сега има двајца сопственици се наоѓа веднаш до парцелата каде словенечката фирма „Енгротуш“ ќе гради трговски центар.
– Нема образложение зошто, кога таа локација и магацинот веќе има сопственик со имотен лист и катастарска шифра, некој се впуштил да ја запишува парцелата на други луѓе. Целиот процес го завршиле без да не информираат. За тоа дека и некој друг е сопственик на магацинот дознавме кога еден ден видовме дека се што имавме внатре е фрлено надвор и прозорците на магацинот се заковани – вели Ване Митев, сопственик на „Струмичко поле“.
Оваа фирма е сопственик на магацинскиот простор уште од декември 2003 година. Шест месеци по запишувањето на сопственоста, односно лани во мај, Одделението за премер и катастар во Струмица донело решение со кое право на сопственост врз истиот објект добило и АД „Конзервна фабрика“. Кога од Струмичко поле“ виделе дека објектот е преземан, барале образложение од катастарот и побарале грешката веднаш да биде исправена. Оттаму пак, веднаш им одговориле дека поради тоа што сега објектот има два сопственика, тие не смеат да избришат ниту еден. Катастарот донел заклучок дека постапката за утврдување на сопственоста мора да се повтори. Митев пред еден месец поднел жалба на овој заклучок, но одговор се уште нема.
– Како може да се повторува постапка на утврдување на сопственоста кога тој објект му припаѓа на „Струмичко поле“. Тоа е исто како за твојот стан да запишат нов сопственик и потоа за истиот да се утврдува дали навистина си сопственик. И пред трансформацијата на „Струмичко поле“, овој објект бил на ова претпријатие. Тогашното раководство дури го издавало под кирија, за што имаме и доказ, примерок од договорот за закуп – вели Митев.
Митев е актуелен сопственик на „Грозд“, а „Струмичко поле‘ го купил во август 2003 година. Оваа фирма произлегла од поранешниот Земјоделско индустриски комбинат во Струмица.
Во одделението за премер и катастар во Струмица велат дека случајот сега е во рацете на членовите на второстепена владина комисија.
– За тоа си има регуларен процес и не знам зошто ме прашувате мене. Јас нема што да коментирам. Сега има заклучок, а „Струмичко поле“ се жали на тоа. Ќе видиме што ќе биде – вели Христо Митров, раководител во одделението.
Митров го заменува директорот на струмичкиот катастар Јосиф Христов, кој моментно е на одмор, но не сакаше да коментира како се случило објект за кој веќе има имотен лист да се запишува на други сопственици.
– Зошто пак вас ве интересира што се случило. Да не сакате интервју да ви давам за се – вели Митров.
Во „Струмичко поле“ велат дека работата ќе ја туркаат до крај и дека најверојатно против вмешаните во случајот ќе поднесат и кривични пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.