Свет
Уапсени дилери со марихуана, екстази и метадон
Во полициски акции во Ресен, Кочани, Струмица и Охрид биле уапсени шестмина дилери со дрога против кои се поднесени кривични пријави. Биле запленети и паковки со марихуана и други наркотични средства спремни за продажба.
ПОЛИЦИСКИ АКЦИИ
Во полициски акции во Ресен, Кочани, Струмица и Охрид биле уапсени шестмина дилери со дрога против кои се поднесени кривични пријави. Биле запленети и паковки со марихуана и други наркотични средства спремни за продажба.
Во Ресен, како што информираа во полиција, бил извршен претрес во домот на Д.Р. (32) кај кого биле затекнати тројца наркозависници. При претрес, полицијата кај лицето Ѓ.П. (28) од Скопје, пронашла неколку паковки со марихуана, хероин и кокаин, шприцеви и дијазепам апчиња.
Полицијата спровела акција и во Кочани. Таму биле уапсени Д.М. (27) и М.А.(22), а при претрес кај нив биле пронајдени ќесички со марихуана и семки од растението канабис сатива, за коишто М.А. тврдел дека наводно ги набавил од дилер во Кочани.
Во Струмица, пак, бил уапсен К.Х. (44), познат дилер и наркозависник. При претрес кај него биле пронајдени паковки со марихуана, хероин, таблети екстази со логото мерцедес, 199 таблети хептанон, трамадол и неколку шишенца со метадон.
Охридската полиција уапсила улична наркодилерка и лице кое на наркозависници им овозможувало да се дрогираат. Против нив се поднесени кривични пријави.
Како што информираа во МВР, во својот стан во Охрид, била уапсена 30-годишната Б.К. При претрес во нејзиниот стан биле пронајдени паковки со марихуана спремни за продажба на наркозависници. При нејзиното распрашување во полиција таа тврдела дека дрогата наводно ја набавила од непознато лице во Струга. Бил уапсен и И.Ч. (18) кој од полицијата бил фатен дома во моментот кога кај него две лица се дрогирале. При претресот полицијата пронашла и две паковки со марихуана. (П.А.Л.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.