Свет
Драма со „Макпетрол" – акциите вртоглаво растат на Берзата
Анонимни вработени акционери тврдат дека постои усна забрана да се продаваат акции, компанијата целосно демантира
Анонимни вработени акционери тврдат дека постои усна забрана да се продаваат акции, компанијата целосно демантира
Дел од вработените, пак, велат изворите што не сакаат да зборуваат со име и презиме, биле прераспоредени на полоши работни места. Истите анонимни извори изјавуваат дека, наводно, сега во компанијата било и усно најавено оти оние што, сепак, ќе продолжат да продаваат акции и во август, ризикуваат дури и да го изгубат своето работно место.
Во компанијата комплетно ги демантираат овие информации. „Сите овие наводи воопшто не се точни. Станува збор за чисти шпекулации", изјавија вчера официјално од нафтената компанија.
Брокерите на Берзата, пак, сметаат дека дефинитивно се случува нешто необично со акциите на македонската нафтена компанија. Тие велат оти има енормно висока побарувачка за акциите на „Макпетрол", а од друга страна, мал е бројот на оние што продаваат. Тоа практично и ја качува цената. Таа е порасната повеќе од двојно за исклучително кусо време. Во речиси сите денови во изминатиов месец се тргуваше со мали количества акции. На пример, вчера биле продадени само 20 акции, завчера 217, во понеделникот 70, а во петокот минатата недела се истргувани само 29 акции.
Познавачите велат дека, со оглед на пријавените купувачи, веќе е извесно оти и денес може да се очекува пораст од 10 отсто, што ќе ја крене цената на акциите на „Макпетрол" и до фантастични 1.000 евра за акција.
Кога има ваков невообичаена јагма за акциите на одредена компанија, се претпоставува дека за неа е заинтересирана странска фирма или домашен играч. Но, во своето известување што го испрати вчера до Берзата, „Макпетрол" потенцира дека тие немаат какви било ценовно чувствителни информации што би го оправдале ваквиот континуиран пораст.
Извори од брокерскиот бизнис, купувачите на акциите ги лоцираат најмногу во словенечките и хрватските фондови или физички лица кои, како што е познато, жестоко „напаѓаат" преку берзата на нашите најголеми и најуспешни компании од пред неколку месеци. Тие фондови веќе имаат извесни, дури и позначајни акционерски пакети во нашите најголеми фирми и банки, па некаде достигнуваат дури и до 10 отсто. Дали зад нив стојат и домашни играчи, брокерите не сакаат ниту да потврдат ниту децидно да демантираат, но се сомневаат дека „некој од кај нас би купувал акции од ’Макпетрол‘ со толку висока цена". Фактот што сакаат да влезат многу странски фондови, за брокерите може да биде една од причините поради кои врвот на компанијата би сакал да се заштити. Инаку, во „Макпетрол" над 5,56 отсто акции има само самата фирма, во вид на сопствени акции. Нема друг поединечен акционер со над пет отсто.
Руската нафтена компанија „Лукоил" од поодамна имаше интерес за влез во нафтената компанија. Дали евентуално и тие се сега во игра за акциите, не е познато, но се тврди дека рускиот гигант не би купувал по оваа цена, бидејќи тие од поодамна најавиле дека се заинтересирани до цена од 400 евра.
Инаку, од „Макпетрол" вчера ја информираа и Берзата дека откако беше регистрирана „ГА-МА" како акционерско друштво, во кое 50 отсто има „Макпетрол", а 50 проценти државата, било извршено прекнижување на недвижниот и подвижниот имот од билансите на „Макпетрол", во согласност со новонастанатата состојба. Државата и нафтената компанија долго време водеа спор за гасоводот, па се изнајде привремено решение да се формира акционерско друштво, во кое тие ќе имаат пола-пола, сж додека не заврши конечно судскиот спор, кој ќе покаже која од двете страни е во право дека поседува над 51 процент. Вредноста на гасоводот е 37,6 милиони евра, па „Макпетрол" учествува во главнината на „ГА-МА" со 18,8 милиони евра.
Токму фактот што од пред околу еден месец на некој начин почна да се „средува" состојбата со гасоводот, одделни познавачи го гледаат како една од причините за големата побарувачка на акциите на „Макпетрол" и рапидниот пораст на нивната цена. (Н.Н.Ф.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.