Свет
Мафија во фудбалот!
Непријавени фудбалери, неправилни пријавувања, играчи кои воопшто немаат статус на професионалци, кршење на Законот за работни односи откри Државниот инспекторат за труд, кој при крајот на минатата сезона изврши инспекциски контроли во сите дванаесет клубови – членови на Првата лига.
И ВО ФУДБАЛСКИТЕ ПРВОЛИГАШИ СО ГОДИНИ ВЛАДЕЕЛЕ ЛУЃЕ КОИ ГО КРШЕЛЕ ЗАКОНОТ
Златко Крстевски
Непријавени фудбалери, неправилни пријавувања, играчи кои воопшто немаат статус на професионалци, кршење на Законот за работни односи откри Државниот инспекторат за труд, кој при крајот на минатата сезона изврши инспекциски контроли во сите дванаесет клубови – членови на Првата лига.
Болката која со години сите фудбалери „неофицијално“ ја соопштуваат на новинарите, конечно се откри, по само една извршена инспекција од страна на државата. По ова, следува вистинска лавина проблеми за клубовите, зашто тие, според Законот, но и според актите на Фудбалската федерација на Македонија, мора да ги ослободат непријавените фудбалери, или да ги платат сите придонеси ретроактивно. Сега и фудбалерите можат комотно да бараат раскин на штета на клубовите, само врз основа на членот кој вели дека секоја екипа мора плаќа здравствено и пензиско осигурување на своите фудбалери.
Државниот инспекторат за труд соопшти дека, согласно Законот за работни односи и Законот за спорт, презема мерки против сите клубови во кои лицата ангажирани, вработените и фудбалерите не ги остваруваат правата согласно законите. За неисплатените плати и придонеси од плати, известени се Фондот за пензиско и за инвалидско осигурување и Управата за јавни приходи, со цел да преземат мерки во нивна надлежност.
По откривањето на сиве овие неправилности кои со години го „гризеле“ македонскиот фудбал, прекршени се сите можни правилници на Фудбалската федерација на Македонија, за договори помеѓу клуб и играч. Во Првата лига во изминатите четири години имало клуб, Победа, кој воопшто не плаќал плати и придонеси за своите играчи, а Вардар немал договори со своите фудбалери. Овие неправилности не може да имаат ефект врз натпреварувањето, но клубовите се соочуваат со сериозни санкции од државата за сторените неправилности.
На многу од екипите кои работеле неправилно, сега им се заканува тотално згаснување..
.
ШТО ОТКРИ КОНТРОЛАТА НА ДРЖАВНИОТ ИНСПЕКТОРАТ?
Победа не плаќала плати и придонеси четири години!
Најславниот македонски клуб Вардар воопшто немал склучено договори со играчите
Во својата инспекција, Државниот инспекторат за труд ги откри следниве неправилности:
Во Победа од Прилеп, клуб кој е регистриран како здружение на граѓани, има шест вработени – управител, благајник, одржувач на терен, книговодител, економист и општ работник. Ангажирани се 22 фудбалери, од кои 18 се професионалци, меѓу кои четворица странци, без склучени договори за работа и без професионални договори. Придонеси за вработените не се платени од септември 2002 година.
Вардар од Скопје има вработено 10 работници, тренери и помошен персонал. Плати и придонеси од плати не се платени од јануари 2006 година. Клубот со фудбалерите нема склучено договори за работа.
Во Пелистер од Битола, регистриран како здружение на граѓани, нема вработени лица, а ангажирани се 20 фудбалери без договори, додека ФК Силекс од Кратово, регистриран како друштво за спортско-рекреативен и натпреварувачки спорт и професионален спорт, има 20 вработени со договори за работа, од кои 17 фудбалери. Плати и придонеси за вработените се платени заклучно со септември 2006 година.
Во Напредок од Кичево, како што е наведено во соопштението од Министерството за труд и социјална политика, нема вработени лица, а вкупниот број фудбалери е 23, од кои со девет клубот има потпишано професионален договор. Плати и придонеси не се исплатени, освен хранарина за октомври.
Во Влазрими од Кичево нема вработени лица, а вкупниот број фудбалери е 23 и со ниту еден од нив клубот нема склучено договори, ниту професионален, ниту договор за работа. Во клубот не се исплатуваат плати и придонеси од платите.
Во Ренова од селото Џепчиште, клуб кој е регистриран како трговско друштво, се вработени девет лица, од кои седум фудбалери, претседателот на клубот и тренерот. Останатите 13 ангажирани фудбалери имаат статус на аматери, студенти или вработени кај други работодавци. Плати и придонеси се платени заклучно со октомври 2006 година.
Шкендија 79 од Тетово има склучено професионални договори со тројца фудбалери, од кои двајца се со договори за стипендирање, а генералниот секретар има договор за вработување. Останатите 19 ангажирани фудбалери се со статус на аматери. Тренерот, кој е албански државјанин има склучено професионален договор, меѓутоа го нема регулирано статусот како странски државјанин. Плати и придонеси не се платени од јануари 2006 година.
Во Башкими од Куманово, регистриран како здружение на граѓани, има осум вработени, од кои двајца фудбалери. Плати и придонеси се платени заклучно со март 2005 година.
Во Брегалница од Штип, регистриран како трговско друштво, нема ниту еден вработен. Во моментот на надзорот, како што соопштуваат од Министерството за труд и за социјална политика, во составот на првата екипа играле фудбалери од младинскиот состав.
Во шампионот Работнички Кометал од Скопје, регистриран како здружение на граѓани, има 26 лица вработени со договори за работа, од кои 14 фудбалери, а останатите тренери и администрација. Придонесите се платени заклучно со октомври 2006 година, а плати не се платени за август, септември и за октомври 2006 година.
Во Македонија Ѓорче Петров од Скопје има 13 фудбалери вработени со договори за професионално занимавање со фудбал и пет фудбалери со договори за стипендирање на студенти и ученици. Во тек е постапка за регулирање на престојот и вработувањето на петмина фудбалери-странски државјани. Плати и придонеси се платени заклучно со октомври 2006 година.
Во ФФМ откриено неправилно вработени лица
Трудовата инспекција извршила надзор и во Фудбалската федерација на Македонија и притоа утврдила дека вработените примаат плата врз основа на акт донесен од неовластен орган. Исто така, од Министерството истакнуваат дека во Федерацијата се ангажирани лица спротивно на Законот за работни односи, за што инспекцијата со решенија ја задолжи Фудбалската федерација да престане со ангажирање на затечените лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полицијата уапси маж во Хемпшир: фрлил 50 мртви животни пред продавница
37-годишен маж е уапсен во Хемпшир откако повеќе од 50 мртви животни биле фрлени пред продавница.
Еден од вработените ја отворал продавницата кога наишол на „ужасна“ сцена, пренесува „Sky News“. Била повикана полиција која пред продавницата пронашла околу 50 мртви зајаци и други животни.
Полицајците на Хемпшир и вооружениот тим истражувале и откриле дека животните биле застрелани со огнено оружје. Дел од животните се заштитени со закон.
Полицијата синоќа соопшти дека тој се уште е во притвор.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски Индекс.
Новинар и снимател на српски Информер, пристигнале пред куќата на вујкото на Данка каде се случил помал инцидент. Пред нив излегол маж кој се претставил како вујко на Данка и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ Информер во еден момент велат: „Удри го Рафа, удри го!“ и додаваат дека ќе биде добро за шерот (удел во вкупна ТВ гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.
Свет
Туск: Европа е во предвоена состојба, следните две години ќе решат се
Полскиот премиер Доналд Туск оцени дека ситуацијата во Европа е најлоша од крајот на Втората светска војна и апелираше до Европејците да сфатат дека војната не е концепт од минатото, туку дека живеат во предвоена состојба во која секое сценарио е можно и дека во следните две години се ќе се реши.
„Не сакам никого да исплашам, но војната повеќе не е концепт од минатото. Реално е, почна пред две години. Знам како звучи за луѓето од помладата генерација, но мораме ментално да прифатиме дека доаѓа нова ера. Предвоена ера. Не претерувам“, изјави Туск во интервју за неколку европски медиуми, меѓу кои и полскиот весник „Газета Виборча“.
Тој рече дека шпанскиот премиер Педро Санчез побарал на самитот на Европската унија зборот војна повеќе да не се користи во документите на ЕУ бидејќи луѓето не сакаат да се плашат на тој начин, а во Шпанија тоа им звучи апстрактно.
„Она што предизвикува најголем немир денес е тоа што буквално секое сценарио е можно. Ваква ситуација не сме имале од 1945 година. Јас одговорив дека во мојот дел од Европа војната повеќе не е апстрактна и дека наша обврска не е да разговараме, туку да дејствуваме и да се подготвуваме за одбрана“, рече Туск.
Полскиот премиер во интервју за „Газета Виборча“ апелираше да го отфрли размислувањето „што ако“, бидејќи главната задача на Западот е да ја брани Украина да остане независна држава со територијален интегритет.
„Иднината на Украина е главно во наши раце. Не се работи само за Полска и ЕУ, туку за целиот Запад. Од нас зависи дали Украина ќе успее да ги избегне песимистичките сценарија. Денес ситуацијата е многу потешка отколку пред една година, но многу подобра отколку на почетокот на војната, кога војниците на Путин стоеја на периферијата на Киев“, изјави полскиот премиер, пренесува Бета.
Без разлика кој ќе биде во Белата куќа во следниот мандат, Туск смета дека Европа мора поактивно да ги негува трансатлантските врски и дека е погрешно да се мисли дека е лојална само ако се откаже од воените амбиции или, напротив, дека поради политиката на поранешниот американски претседател Доналд Трамп и антиамериканските чувства во некои европски земји, тие треба целосно да го прекинат сојузот со САД.
„Потребен ни е силен сојуз со САД и во исто време мора да бидеме независни и самодоволни кога станува збор за одбраната. Наша задача е да ги негуваме односите без разлика кој ќе биде претседател на САД. Нема причина Европејците да не го почитуваат основниот принцип и да не издвојуваат најмалку два отсто од БДП за одбрана“, рече Туск.
Полскиот премиер рече дека разбира оти Шпанија или Италија не сакаат да издвојуваат четири отсто од БДП годишно, по примерот на неговата земја.
„Но, два отсто од БДП едноставно мора. Не разбирам како некој може да го оспори тоа. Треба да издвоиме што е можно повеќе за набавка на оружје и муниција за Украина бидејќи живееме во најкритичниот момент од крајот на Втората светска војна. Следните две години ќе одлучат се. Ако Украина биде поразена, никој во Европа нема да може да се чувствува безбеден“, рече Туск.
Полскиот премиер предупреди дека рускиот претседател Владимир Путин ја обвинува Украина за терористички напад на концертот во Красногорск и дека, како што наведе, тоа го прави без никакви докази.
„Од историјата знаеме дека Путин користи ваков тип на трагедии за свои цели. Се сеќаваме што се случи по нападот на театарот во Дубровка или училиштето во Беслан. Путин веќе почна да ја обвинува Украина иако не покажа никакви докази. Очигледно е дека треба да оправда уште побрутални напади врз цивилни објекти во Украина“, изјави Туск во интервју за европските медиуми.