Свет
Јанакиески сам нека го урива Шпанско село
Петров му предлага на министерот за транспорт и врски Миле Јанакиески, ако не е задоволен од ставот за стопирање на акцијата за уривање на Шпанско село, да ги одземат ингеренциите на Општината и самите да ги уриваат дивоградбите
ГРАДОНАЧАЛНИКОТ ПЕТРОВ ПОРАЧУВА
Петров му предлага на министерот за транспорт и врски Миле Јанакиески, ако не е задоволен од ставот за стопирање на акцијата за уривање на Шпанско село, да ги одземат ингеренциите на Општината и самите да ги уриваат дивоградбите
Градоначалникот на Општина Карпош Андреј Петров цврсто е решен да ги легализира дивоградбите во Шпанско село, а ако Владата толку сака да се урнат овие куќи, тоа да го сторат самите. Петров му предлага на министерот за транспорт и врски Миле Јанакиески, ако не е задоволен од нивниот став за стопирање на акцијата за уривање на Шпанско село, да и ги одземат ингеренциите на Општината и самите да ги урнат дивоградбите.
"Ако Владата сака вистински да ги урне куќите на Долно Водно, тогаш нека ни ги одземат ингеренциите, како што Министерството за образование си ги врати во своја надлежност неколкуте основни училишта, и слободно нека уриваат. Ама ни тие не сакаат вистински да се урнат овие куќи туку, преку Општина Карпош, собираат поени кај народот, во една фингирана борба против урбаната мафија. Не е во ред граѓаните да страдаат поради политички препукувања", рече градоначалникот Андреј Петров.
Петров смета дека дивоградбите во Шпанско село треба да се легализираат бидејќи се единствените домови на овие луѓе, во кои тие живеат со години, на имот кој ним им припаѓа. Таму, според него, нема луксузни хациенди туку скромни индивидуални домови, колипки и шупи, кои не можат да се карактеризираат како случај на урбана мафија.
Од Министерството за транспорт и врски избегнаа да одговорат на прашањето дали ќе ја прифатат понудата на Општина Карпош тие да го уриваат Шпанско село. Од таму и вчера го потврдија ставот дека случајот Шпанско село целосно е во рацете на градоначалникот Андреј Петров, и очекуваат тој во најбрз можен рок да ги урне нелегално изградените луксузни објекти за што доби пари од Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.