Свет
Прислушуваните новинари седум години чекаат пресуда
Со спогодбено договарање на отштетата, Владата треба да покаже дека има волја да го решиме проблемот, вели адвокатот Дангов
АФЕРАТА „ГОЛЕМОТО УВО“ БЕЗ ЗАВРШНИЦА
Со спогодбено договарање на отштетата, Владата треба да покаже дека има волја да го решиме проблемот, вели адвокатот Дангов
Поминаа седум години откако 17 прислушувани новинари ја тужеа државата за аферата „Големото уво“, а судот се’ уште не донесоол ни првостепена одлука.
Аферата избувна на крајот на 2000 година, кога Црвенковски обелодени стенограми на телефонски разговори на прислушувани политичари, новинари и дипломати. Новинарите се револтирани од бавноста со која се води судскиот процес. Следното рочиште е закажано за 19 март, но би можело пак да се одолжи ако судијката што го води предметот, Снежана Попчевска, биде разрешена поради случајот „Бачило“. Поради одолжувањето на процесот, новинарите ја тужат државата и пред Судот во Стразбур.
Адвокатот Димитар Дангов, кој ги застапува новинарите, вели:
– Готово е невропсихијатриско вештачење на душевната болка што ја претрпеле прислушуваните новинари и се очекува за него да се произнесат тужените МВР и „Македонски телекомуникации“. Пред еден месец доставивме предлог до Јавното правобранителство, кое пред судот ги застапува интересите на државата, да го решиме проблемот спогодбено, но одговор се’ уште не сме добиле. Со спогодбено договарање на отштетата, Владата треба да покаже дека има волја да го решиме проблемот. Техничкото вештачење покажа дека тужените имаат опрема за прислушување и Владата сега треба да го признае тоа.
Јадранка Костова, една од прислушуваните новинари, пред два месеца доставила писмено барање до собраниската Анкетна комисија за заштита на човековите права, да се утврди кој ги крши правата на граѓаните.
– Тито Петковски јавно изјави дека некои политички партии имале опрема за прислушување, а по него и Никола Поповски изјави дека бил прислушуван од армијата. Значи не прислушува само МВР. Тоа беше повод да го актуализирам и нашиот случај. Слично барање поднесовме и пред повеќе од една година до истата комисија, но никакви промени на подобро немаше ни тогаш ни сега – вели Костова.
Во 2001 година Основниот суд 1 во Скопје презема истражни дејства за да се утврди кој ги прислушувал разговорите. По вештачењето со кое се утврди дека МВР има опрема за прислушување, скопското обвинителство во 2003 година ги обвини поранешната министерка за внатрешни работи Доста Димовска и тогашниот началник на управата за оперативна техника во МВР, Александар Цветков дека се нарачатели на прислушувањето. Веднаш потоа тогашниот претседател Борис Трајковски ги амнестира, што предизвика бурни реакции во јавноста.
Анкетна комисија за прислушни уреди
Собранието вчера реши да основа анкетна комисија што ќе испитува дали и кои политички партии поседуваат прислушни уреди. Андреј Жерновски од ЛДП смета дека основањето на анкетната комисија е задоцнето, бидејќи Тито Петковски уште пред шест месеци изјави дека сите поголеми партии имаат уреди за прислушување на своите опоненти.
– Ги повикувам сите пратеници да не ги затвораме очите и на македонската јавност да и’ покажеме дека можеме да ги разгледаме и овие прашања – рече Жерновски.
Есад Рахиќ од СДСМ смета дека не постои желба овој проблем да се разреши.
– Преку постапка треба да се докаже дали партиите поседуваат уреди за прислушување, а вистината треба да се открие без разлика кој поседува вакви уреди и на која позиција се наоѓа – рече Рахиќ.
Тој го поддржа предлогот даден од Жерновски, Тито Петковски да биде претседател на анкетната комисија. Јани Макрадули побара МВР и ДБК јавно да демантираат дека сега се врши прислушување на опозицијата и на политичките противници.
Натали Н.Сотировска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година, кога изнесуваше 7,5 милијарди швајцарски франци, пренесува Ројтерс.
Регион
(Видео) Во Хрватска падна снег
На подрачјето на Горски котар во Хрватска синоќа падна снег, а на места имаше и вистинска снежна покривка.
Снег ја зафати и Горанската делница на автопатот А6 Риека-Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.
Свет
Лидерот на Северна Кореја ја надгледуваше воената вежба: се симулираше нуклеарен контранапад
Северна Кореја ги изведе своите први воени вежби кои симулираа нуклеарен контранапад, објави државната новинска агенција на земјата KCNA, како и други државни медиуми.
Врховниот водач Ким Џонг-ун ја надгледуваше вежбата која беше дел од тестот на системот за управување со нуклеарно оружје на нацијата.
Покрај тоа што севернокорејското раководство сака да ја тестира различноста на сопствените нуклеарни капацитети, тоа беше, според КЦНА, протест против американските и јужнокорејските „провокативни и инвазивни“ воени вежби.
Симулациските вежби на севернокорејската војска вклучуваа маневрирање на војниците во позиција за нуклеарен контранапад и истрелување на лажни нуклеарни боеви глави во случај на предупредување за нуклеарна криза.
Во таа прилика беа истрелани неколку балистички ракети со краток дострел кон морето, во близина на источниот севернокорејски брег.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.