Свет
Смените во МВР не запираат, објаснување за јавноста нема
Смената на полицискиот генерал Зоран
Јовановски и неговото деградирање во помлад инспектор е последниот во низата
резови што ги изведе новото политичко раководство во МВР, во кој настрадаа
десетици поранешни полициски функционери.
Смената на полицискиот генерал Зоран
Јовановски и неговото деградирање во помлад инспектор е последниот во низата
резови што ги изведе новото политичко раководство во МВР, во кој настрадаа
десетици поранешни полициски функционери. Во последниве неколку месеци
Министерството го зафати вториот бран промени откако во септември минатата
година беше извршена голема чистка на кадри кои беа на високи функции во
периодот на владеењето на СДСМ, но и на претходните влади. Процените се дека во
изминатите нецели десет месеци стотина високи функционери во централата на МВР
во Скопје и низ градовите ги зафати резот на новото раководство. Паралелно со
смените, засега неофицијалните информации говорат дека во МВР на големо се
вработуваат кадри блиски до партиите на власт.
Во четвртокот на пратеничко прашање во парламентот, министерката Гордана
Јанкулоска потврди дека во МВР во тек е смена на генерации, иако не го
коментираше прашањето на пратеникот Есад Рахиќ дека во овој сектор е голем
приливот на кадри од агенцијата за обезбедување „Лупус“. „Во МВР, како и во
другите институции, нормална е смената на генерации, а единствен параметар според
кој има вработувања во Министерството се воспоставените правила и процедури“,
изјави Јанкулоска.
Таа објасни дека сите кадровски прераспоредувања во МВР се прават за
„зголемување на ефикасноста и работата на безбедносните структури“.
Еден од најкарактеристичните примери за смените што се вршат во МВР е градот
Тетово. Познавачите на состојбите во градот коментираат дека таму не
„преживеале“ ниту секретарките. Списокот на промени е долг, а степенот на
деградација на кадрите, за кои се тврди оти биле професионалци, е драстичен. На
пример, поранешниот началник на СВР-Тетово, Земри Ќамили, со над 20-годишно
искуство, преместен е како помлад инспектор во СВР-Велес. Неговиот поранешен
заменик Димчо Кузмановски, со чин полковник, сега, исто така, е помлад инспектор
во СВР-Гостивар. Ексдиректорот на затворот во Идризово и виш советник во Бирото
за јавна безбедност, Кире Кромидаровски, со 21 година стаж, сега е распореден
како инспектор по оператива во полициската станица во Гостивар. Некогашниот
раководител на Секторот за крим-полиција во Тетово, Екрем Реџепи, во меѓувреме
стана помлад инспектор во ОВР-Кичево. Агим Бафтијари, довчерашен командир на
полициска станица Тетово, со над 20 години стаж, префрлен е на почетничко место
во полициската станица Центар во Скопје. Некогашниот главен инспектор во
Секторот за организиран криминал, Наим Морина, разместен е за помлад инспектор
во полициската станица Бутел во Скопје. Листата е долга и опфаќа уште најмалку
десетина инспектори и поранешни началници само во Тетово кои се деградирани.
Сменетите тврдат дека сите решенија за нивно разместување ги потпишал
директорот на Бирото за јавна безбедност, Љупчо Тодоровски. Најголемиот дел од
смените се случиле пред два-три месеци, а деградираните поднеле приговори на
решенијата и тужби против МВР за дискриминација.
Во април годинава, во рок од една седмица, најпрво се случи смена на над 50
вработени во Управата за безбедност и контраразузнавање, која ја води Сашо
Мијалков, од кои десетина се однесуваа на началници, а на нивно место дојдоа
луѓе од доверба на власта. Неколку дена подоцна следуваше масовна смена во
полициските станици во Прилеп, Струга, Штип, Кочани и други градови.
Министерката Јанкуловска и тогаш тврдеше дека сменетите имале незадоволителни
резултати и негираше дека во полицијата се прават партиски чистки.
На смените реагираше опозицискиот СДСМ со обвинување до власта за партизација
на МВР и за партиски мотивирани смени на професионални кадри. Од МВР овие
обвинувања ги оценија како паушални и неосновани и соопштија дека сите промени
се прават со цел да се обезбеди поефикасна борба против криминалот и
корупцијата. Тоа беше во април годинава, но до денес не се знае колку вкупно
кадри беа зафатени со промените во МВР, со кое образложение се менуваат
функционерите и кој доаѓа на нивно место.
Надлежните во МВР не сакаа да образложат ниту од кои причини генералот Зоран
Јовановски е деградиран во помлад инспектор. (П.Р.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.
Свет
(Видео) Руски борбен авион се урна кај Севастопол
Рускиот борбен авион Су-27 денеска се урна во морето во близина на кримското пристаниште Севастопол, а веста ја потврди и регионалниот гувернер Михаил Развозаев.
„Пилотот безбедно се катапултирал, а спасувачите на севастополската спасувачка служба го подигнале на оддалеченост од двесте метри од брегот. Цивилните објекти не се оштетени“, објави Развозаев на својот официјален канал.
Ein russischer Su-27 „Luftüberlegenheitsjäger“ ist vor der Küste Sewastopols brennend ins Meer gestürzt.
Russisches Militär behauptet Stock und Stein, dass es sich um einen „technischen“ Unfall und keinen versehentlichen Abschluss handelt.
Naaa ja. pic.twitter.com/8cWoc7jp4W— Julian Röpcke🇺🇦 (@JulianRoepcke) March 28, 2024
Се уште нема потврда како и зошто дошло до овој инцидент.
Медиумите првично објавија дека се урнал авионот Су-35, но се потврди дека се работи за моделот Су-27. Како што може да се види на снимката од несреќата, авионот се вртел во пламен на небото додека не паднал директно во Црното Море.
Регион
„Дете не може само така да пропадне во земја“ – соседот на исчезнатата Данка опиша што се случувало кобниот ден
Се вратив од училиште околу 14 часот, а половина час подоцна дојдоа две-три полициски патроли, ги следев да видам што се случува и дознав дека детето го нема. Вака Лука од Бор зборува за моментот кога исчезна девојчето Данка Илиќ (2).
Како што вели, кобното попладне веднаш се приклучил на полицијата во потрага по детето.
„Тука бевме до 22:30 часот. После тоа дојдоа уште дваесет патроли. Следната вечер пристигнаа два-три хеликоптери, како и беспилотни летала за термално снимање и кучиња трагачи. Таму беа бабата, мајката и дедото и малиот брат на Данка. Сите добро ги познавам“ изјави Лука, пренесува „Блиц.рс“.
Тој потсети дека семејството на девојчето живее во Бор и дека дошле во Бањско поле бидејќи таму имаат викендица.
„Се надевам на најдоброто. Се молам на Бога девојчето да е живо и здраво. Отпрвин мислевме дека, не дај Боже, паднала или нешто слично, но нема ништо“, вели соседот на семејството на исчезнатото девојче.
Потоа ја коментираше изјавата на мајката на Данка за исчезнувањето на нејзината ќерка.
„Сите велат дека отишла да земе вода. Детето не можело да пропадне во земја. Кога стигнав, мајката на Данка беше во солзи, како и нејзината баба. Бабата беше навистина потресена. Цел ден плачеше во автомобилот. Вечерта дошла Итната помош и и дала седатив за висок притисок. Подоцна ја однеле во итната медицинска помош“, вели младниот човек.
На прашањето дали мисли дека девојчето можеби е киднапирано, тој вели во тоа верува 100 отсто.
„Ако не е тука, не знам каде би можела да биде. Оваа улица не е прометна. Не знам како се случи“, заклучува Лука.
„Блиц“ потсетува пред фармата на која исчезна девојчето Данка Илиќ (2) во Бањско поле кај Бор, пристигна багер – комбајн за да може полицијата да го расчисти имотот. Во исто време, припадници на МУП повторно ги пребаруваат шахтите и јамите во споменатата населба. Сето тоа со цел да се најдат материјални докази кои ќе помогнат во пронаоѓањето на Данка. Багерот подоцна се преселил на имотот преку улицата, каде што собира дрвја и гранки.
Родителите на исчезнатата Данка Илиќ денеска во текот на денот се приведени во полиција за да го продолжат распитот кој вчера започна во полициската станица во Бор во врска со исчезнувањето на нивната двегодишна ќерка.
Неколку припадници на полицијата го раскопуваат просторот пред дворот каде девојчето исчезна пред точно два дена. Областа се бара за какви било траги.