Свет
Снимките на безбедносните камери нејасни
Полициската истрага за
саботниот инцидент во дискотеката „Хард рок“ тапка во место, бидејќи снимките
од безбедносните камери биле матни и нејасни и поради тоа не може точно да се
утврди редоследот на настаните што довеле до инцидентот ниту, пак, идентитетот
на трите лица што ги нападнале полицајците.
СЛУЧАЈ „ ХАРД РОК“
Полициската истрага за
саботниот инцидент во дискотеката „Хард рок“ тапка во место, бидејќи снимките
од безбедносните камери биле матни и нејасни и поради тоа не може точно да се
утврди редоследот на настаните што довеле до инцидентот ниту, пак, идентитетот
на трите лица што ги нападнале полицајците. Поради тоа скопската полиција, со
налог од истражен судија, го зела компјутерот преку кој се регулираат
безбедносните камери во „Хард рок“ и им го предала на компјутерските експерти
во МВР, кои сега треба дополнително да го истражат хард дискот и евентуално да
извади појасни слики и снимки.
– Снимките се со многу лош квалитет и не може да се одреди идентитетот на трите
лица што ги нападнале полицајците. Поради тоа МВР го зеде компјутерот со кој се
контролираат безбедносните камери и дополнително ќе биде испитуван хард дискот
– изјави Иво Котевски, портпарол на МВР.
Завчера десетина вработени во агенцијата за обезбедување „Лупус“, кои во
саботата биле на работа во дискотеката „Хард рок“, биле повикани во полициска
станица, каде што дале изјави за инцидентот. Исто така, на информативен
разговор се јавиле и неколку сведоци.
Како што веќе информиравме, во саботата околу 3 часот наутро во дискотеката
„Хард рок“ дошло до физичка пресметка меѓу три лица и двајцата полицајци Артон
Али и Александар Смилевски. Тепачката настанала во ходникот на самиот влез во
објектот. Тогаш интервенирало обезбедувањето, кое се обидело да ги раздвои и
успеало да го изнесе полицаецот Смилевски надвор. Во меѓувреме тројцата
напаѓачи го турнале Али на земја и почнале да го клоцаат. Тогаш полицаецот Смилевски
го извадил службениот пиштол и испукал осум куршуми кон лицата што го тепале
неговиот колега, но и кон обезбедувачите.
О.Ч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.