Свет
Не зедов 100 евра мито туку е наплатена царина
Во Основниот суд во Куманово денеска се одржаа два
одвоени судски процеса против цариници од граничниот премин Деве Баир, обвинети
за примање поткуп.
СУДЕЊЕ НА ЦАРИНИЦИ ОД ГП ДЕВЕ БАИР ЗА ПРИМАЊЕ ПОТКУП
Во Основниот суд во Куманово денеска се одржаа два
одвоени судски процеса против цариници од граничниот премин Деве Баир, обвинети
за примање поткуп.
Во Основниот суд во Куманово денеска се одржаа два одвоени судски процеса
против цариници од граничниот премин Деве Баир, обвинети за примање поткуп.
Првпат пред Судот беше изведен Момчило Георгиевски (43) од Крива Паланка.Тој
пред петчлениот Судски совет ја даде својата одбрана, во која го негираше
делото, тврдејќи дека од никого не примал поткуп. Тој пред истражен судија се
бранел со молчење.
"Обвинението не е точно и не се совпаѓа со вистината. Не сум примил поткуп
од 100 евра. Не се сеќавам дали критичната ноќ сум бил на работа, но ако ме има
во распоредот на смената, тогаш е така. Знам дека тогаш наплатив 6-7 царини, но
за конкретниот случај не се сеќавам. Ако имал стока поскапа од 50 евра, тогаш
сигурно сум рекол да си плати. Тврдам дека сигурно му е наплатена царина. Ниту
сум зел 100 евра ниту, пак, тие се најдени кај мене по серискиот број", се
бранеше Георгиевски.
Според обвинението, Георгиевски лани на 10 декември, на граничниот премин Деве
Баир, примил поткуп од 100 евра за да не изврши царинска контрола на багажот на
патник во автобус на "Алпар-туризам", кој патувал од Истанбул. Сега
заштитениот сведок оставил 100 евра во пасошот, кои Георгиевски ги зел.
Продолжението од судењето против цариникот Гоце Стаменковски – Бич беше
одложено бидејки се чека одлука од Апелациониот суд дали во процесот ќе бидат
користени доказите кои се набавени со посебни истражни мерки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Џакарта повеќе нема да биде главен град на Индонезија
Парламентот на Индонезија одлучи поранешната метропола Џакарта да остане економски центар на земјата како дел од планот за преселување на главниот град на островот Борнео.
Индонезија планира да го пресели својот главен град од преполната Џакарта во Нусантар, град вреден 32 милијарди долари кој се гради во џунглите на Источен Калимантан, Борнео.
Градот е водечки проект на претседателот во заминување Јоко Видодо, кој вети подобра дистрибуција на богатството и развој низ архипелагот, не само на островот Јава.
Министерот за внатрешни работи Тито Карнавијан по дебатата во парламентот рече дека Џакарта сè уште ќе треба да се развива понатаму за да се натпреварува со другите „градови од светска класа“ откако седиштето на владата се пресели во Нусантара.
„Откако повеќе не е главен град, Џакарта сепак мора да има печат на посебен град за да може да го забрза економскиот раст и да го зголеми својот придонес во БДП на земјата“, рече тој.
Европа
Кремљ за евентуалното блокирање на Телеграм: „Се повеќе станува алатка во рацете на терористите“
Портпаролот на Кремљ Дмитриј Песков денеска изјави дека во моментов не се планира блокирање на социјалната мрежа Телеграм во Русија.
„Не, во моментов нема такви планови“, изјави Песков за каналот Шот на прашањето дали Русија планира да го блокира Телеграма.
Тој додаде дека основачот на таа платформа Павел Дуров треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров, бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација, се повеќе станува алатка во рацете на терористите, се користи за терористички цели“, рече портпаролот на Кремљ, пренесува РИА Новости.
Како што изјави во средата за РИА Новости, извор запознаен со ситуацијата, сторителите на терористичкиот напад во предградието на Москва биле регрутирани преку каналот на Телеграм, Глас Хорасан, сопственост на авганистанското крило на Исламската држава.
Пратеникот на Државната дума од Обединета Русија Олег Морозов денеска оцени дека е неопходно да се развие механизам за автоматско блокирање на каналите на Телеграм кои регрутираат терористи користејќи клучни зборови користејќи вештачка интелигенција.
Европа
Шолц: Мирот во Украина е можен во секој момент, само ако Путин ги повлече своите војници
Германскиот канцелар Олаф Шолц изјави денеска дека мирот во Украина е можен во секој момент доколку рускиот претседател Владимир Путин ја прекине својата, како што наведе, „варварска“ кампања и ги повлече војниците.
Шолц за „Маркише Агемајне Цајтунг“ изјави дека секогаш имало иницијативи за посредување.
„На пример, веднаш по избувнувањето на војната, Русија и Украина директно преговараа меѓу себе. Преговорите потоа пропаднаа затоа што Русија ги искористи само како изговор за истовремено да ги премести своите трупи на исток за голема офанзива“, посочи тој.
Како што тврди, токму тогаш на виделина излегле „масакрите“ во Буча и Ирпин, злосторства против човековите права извршени од страна на руските вооружени сили врз цивилното население, со што разговорите се лишени од секаква основа, пренесува медиумот.
„Малку подоцна се разговараше за договорот за жито, со успех. За жал, Путин во одреден момент повторно го откажа“, додаде Шолц.
Тој изјави дека имало разговори и за безбедноста во нуклеарната централа Запорожје и за размена на затвореници.
„Голем број земји, вклучително и Украина, во моментов разговараат на ниво на советници за безбедност за тоа што би можело да изгледа како нешто што може да доведе до мировен процес, но дозволете ми да бидам многу јасен: мирот е можен во секое време. Путин само треба да стави крај на неговата „варварска“ кампања и да ги повлече трупите“, истакна Шолц.