Свет
Агенциите за обезбедување тераат политика пред дискотеките
Ноќната скопска шема станува се’ поопасна за животот. Дискотеките, кафулињата и
ноќните клубови се’ почесто се полигон за пресметка меѓу пијани и оружени
насилници, чија агресивност најмногу ја чувствуваат младите, кои вечерта
излегле да се забавуваат.
ГОРАН АДАМОВСКИ
Ноќната скопска шема станува се’ поопасна за животот. Дискотеките, кафулињата и
ноќните клубови се’ почесто се полигон за пресметка меѓу пијани и оружени
насилници, чија агресивност најмногу ја чувствуваат младите, кои вечерта
излегле да се забавуваат. Полицајци, кои работат по директива на надредените
или, пак, на своја рака ја злоупотребуваат значката и униформата што ја носат,
потоа агенции за обезбедување, кои блискоста со луѓето на власт ја практикуваат
на свој начин, како и чисти бизнис-интереси, што се раководат според девизата
„уништи му го локалот на конкурентот, за неговите гости да станат мои“,
создаваат слика на страв и несигурност во ноќниот живот во земјава, особено во
Скопје. Минатогодишниот брутален напад во „Процес“, претепувањето на руските
дипломати во кафулето „Тренд“ или инцидентот пред „Хард рок“ се само три од
низата слични инциденти, за кои никој не сака јавно да зборува, иако
неофицијално секој знае кој со кого е поврзан.
„Дел од агенциите за обезбедување работат во спрега со полицијата. Конкретно,
некои од „сините“, по завршувањето на работното време, ја соблекуваат
униформата и за некој екстра-денар работат како обезбедување во некоја од
дискотеките, со што тој локал по автоматизам добива дополнителна заштита“, вели
Игор, професионален обезбедувач, кој со оваа работа се занимава повеќе од десет
години.
Јавна тајна е дека секоја власт си има свој фаворит меѓу агенциите за
обезбедување, на кои им даваат „ветар во грб“ во работењето. На актуелната
власт блиски им се луѓето од „Лупус“, кои, симптоматично, беа задолжени за
редот и мирот во дискотеката „Хард рок“. Во спрегата меѓу агенцијата „Лупус“ и
власта, во јавноста се шпекулира и со името на премиерот Груевски. Инцидентот
во „Хард рок“ се’ уште не е расветлен и прашање е дали воопшто ќе биде.
Полицијата и натаму „не знае“ како се случил инцидентот и како е можно да не
открие ниту еден од група од 15-ина момчиња, кои претепале двајца полициски
инспектори среде полна дискотека, иако тепачката била снимана на камерите од
дискотеката. Чаршијата смета дека токму обезбедувачите од „Лупус“, од кои
најголем дел преку ден работат како полицајци, ги претепале инспекторите, но
поради блискоста со власта, случајот треба да биде забошотен.
„Токму поради тоа, најголемиот дел од сопствениците на локалите одлучуваат за
на „врата“ да најмат луѓе од агенцијата што е блиска до власта и до полицијата,
зашто во спротивно лесно можат да станат цел на некој изрежиран инцидент.
Потоа, нормално е дека гостите нема да се вратат таму каде што животот им е во
опасност, туку ќе одат во локалите каде што е мирно. Тоа е класичен рекет“,
вели еден од анонимните соговорници.
Според многумина, бруталниот полициски напад во „Процес“ се случи поради тоа
што братот на сопственикот на дискотеката е член на најголемата опозициска
партија во земјава. Акцијата на специјалната Единица за брзо распоредување била
планирана цел ден и тоа со амин на нивните надредени, зашто во „Процес“ не биле
во можност да се заштитат.
„Дури и некои од највлијателните луѓе во МВР цел ден ни испраќаа пораки по
мобилен дека ќе не’ убијат. Впрочем, за да се изведе таква акција со 70
специјалци, во која секој точно знае што и како треба да прави, доволно кажува
дека не станува збор за самоорганизиран акт во афект“, зборуваа дел од
претепаните обезбедувачи во „Процес“.
Полицијата не успеа да го расветли ниту претепувањето на четворицата руски
дипломати во кафулето „Тренд“ на плоштадот „Македонија“ во центарот на Скопје.
Неофицијално, тоа никогаш и нема да се случи, оти боксовите и клоците лично ги
делел еден од телохранителите на премиерот, кој „гаси и пали“ во државава.
Сепак, овие три инциденти се мал дел од она во што јавноста има увид.
„На врата работам три години, а досега ми се случиле барем десетина инциденти,
кои се забошотија. Пред две години, пред дискотеката ’Елемент‘ дојдоа двајца
полициски специјалци вооружени со пиштоли и рачни бомби. Ни се закануваа дека
ќе не’ дигнат во воздух, затоа што внатре претходно не го пуштивме братот на
едниот од нив. Потоа, успеавме да ги совладаме, но инцидентот се забошоти по
брза постапка“, вели еден од познатите скопски „вратари“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.