Свет
Странските газди во металургијата бесплатно трошат струја
Државата нема механизам веднаш да наплати 15 милиони евра од пет големи компании, кои повеќе месеци не платиле за потрошената електрична енергија.
ГОЛЕМИТЕ ПОТРОШУВАЧИ НЕ МУ ПЛАЌААТ НА ЕСМ
Државата нема механизам веднаш да наплати 15 милиони евра од пет големи компании, кои повеќе месеци не платиле за потрошената електрична енергија. Иако “Дистрибуција”, која произлезе од ЕСМ, пратила опомени до странските газди на “Митал”, “Силмак”, “Фени” и на “Скопски легури” да си го платат долгот, тие се уште не го направиле тоа. Најголем должник на ЕСМ е “Силмак”, со 10 милиони евра.
– Ниту еден од големите потрошувачи на електрична енергија, кои должат околу 15 милиони евра, не се толерирани. За сите поединечно, освен за “Македонски железници”, кое е јавно претпријатие и има огромна загуба, се испратени опомени, кои се доставени и до Владата и до Министерството за економија – тврдат во “Дистрибуција”.
Претпријатието “Електрани на Македонија” (ЕЛМ) покренало и судски спор против “Силмак”.
– Откако видовме дека со опомени не можеме да ја постигнеме целта, а според купопродажниот договор помеѓу Владата и “Силмак”, не можеме едноставно да ја прекинеме испораката на струја, во април годинава ги известивме дека ќе покренеме судски спор. Тогаш менаџерите на “Силмак” прифатија да склучат проткол за паралелно враќање на стариот долг и плаќање на тековните обврски. Но најголем дел од долгот се уште не е платен. Затоа покренавме судски спор – објаснуваат во ЕЛМ.
Во слична состојба, само со помали долгови се и погоните на некогашната скопска железарница што неодамна ги купи индиски “Испат”. Индиската компанија за струја должи нешто помалку од еден милион евра. Неплатени сметки за струја има и во “Скопски легури”.
Обвинувањата дека зад неплаќачите стојат политички врски во власта вчера ги отфрлија вицепремиерот Минчо Јорданов и министерот за економија Фатмир Бесими. Јорданов изјави дека долгот на овие компании кон ЕСМ е комерцијална работа меѓу приватни компании.
Од друга страна, извори од Владата велат дека големите потрошувачи на електрична енергија, во кои странскиот капитал е доминантен, како што се “Силмак”, “Испат” и “Скопски легури”, не ги плаќаат редовно сметките бидејќи државата во купопродажните договори не вградила цврсти механизми да ги заштити своите интереси.
– Овие капацитети пред продажбата беа големи загубари и ги оптоваруваа социјалните фондови. По продажбата вработуваат десетици илјади луѓе, што за буџетот претставува големо олеснување. Ова и лошите договори се основните причини што државата и понатаму има толерантен однос кон големите потрошувачи. Тоа ќе заврши со либерализацијата на пазарот на електрична енергија, кога сите тие ќе можат да купуваат струја од странство – велат во Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија и се закани на Полска
Заменик-министерот за надворешни работи на Русија, Сергеј Рјабков се закани дека Русија ќе ги таргетира нуклеарните оружја и објектите на НАТО, доколку тие бидат распоредени во Полска. Тој рече дека заедничките нуклеарни мисии на НАТО во близина на руската граница се сметаат за закана за нејзината безбедност, пренесува руската државна агенција ТАСС.
„Да не кажам ништо за трајно распоредување, за што зборуваат жешките глави во Варшава. Затоа сите оние политичари кои разговараат за таква опција во Полска и во странство треба да разберат: соодветните капацитети неизбежно ќе бидат цел. Тие ќе бидат први на список на нашето воено планирање“, се закани тој.
Полска во понеделникот објави дека е подготвена да прифати нуклеарно оружје на своја територија доколку НАТО, чиј член е, одлучи да го зајакне своето источно крило бидејќи Русија распоредува ново оружје во Калининград и Белорусија.
„Доколку нашите сојузници одлучат да распоредат нуклеарно оружје на наша територија како дел од дистрибуцијата на нуклеарно оружје за да ја зајакнеме безбедноста на источното крило на НАТО, ние сме подготвени на тоа“, изјави Анджеј Дуда за весникот Факт.
„Војната меѓу Русија на Владимир Путин и НАТО би завршила со неизбежен пораз на Москва“, изјави денеска полскиот министер за надворешни работи Радослав Сикорски.
„Ние, Западот, не треба да се плашиме од конфликт со Путин, туку обратно“, рече Сикорски за време на говорот во Сејм, Долниот дом на полскиот парламент. Сикорски додаде дека рускиот воен и економски потенцијал „бледи во споредба со оној на Западот“, бидејќи НАТО има три пати повеќе воен персонал, три пати повеќе воздушен персонал и четири пати повеќе бродови од Русија.
Свет
Египет го достави предлогот на Хамас до Израел за едногодишен прекин на огнот во Газа
Египетските власти му доставија на Израел предлог изготвен од Хамас, со кој се бара едногодишен прекин на огнот во Појасот Газа во замена за радикалните Палестинци да ги запрат нападите врз израелските сили, објави ТВ каналот Ал Хадат со седиште во Дубаи.
Според извештаите, Египет го доставил предлогот на Хамас до израелската делегација. Изворите наведоа дека и Египет презентирал сопствена иницијатива, барајќи од Израел целосно да ја прекине операцијата во градот Рафах на југот на Појасот Газа во близина на египетската граница, пренесе ТАСС.
За возврат, египетските власти ветуваат дека ќе обезбедат „напредок во разговорите“ со радикалните палестински групи за ослободување на израелските заложници што ги држат во Појасот Газа, велат изворите.
На 1 декември 2023 година, израелската армија го обвини Хамас за кршење на примирјето што стапи на сила на 24 ноември и за продолжување на борбените операции во Појасот Газа.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.