Свет
Каде се губи здравствениот денар?
На сметката на Фондот за здравствено осигурување годинава од буџетот биле префрлени 255 милиони евра, но надлежните од Министерството за здравство и од Фондот за здравствено осигурување не можат да одговорат каде точно се потрошени овие пари, обвинија лекари и економски експерти
Адријана Георгиев
На сметката на Фондот за здравствено осигурување годинава од буџетот биле префрлени 255 милиони евра, но надлежните од Министерството за здравство и од Фондот за здравствено осигурување не можат да одговорат каде точно се потрошени овие пари, обвинија лекари и економски експерти.
Клиничкиот центар, Министерството за здравство и Фондот се институции што најмногу подлежат на корупција и главно таму се губи здравствениот денар. Парите во здравството тонат во нетранспарентните јавни набавки и во потрошувачката на лекови, тврдат лекари.
– Нема нови апарати за лекување на болните, ниту пак беа отворени нови одделенија во Клиничкиот центар. Болниците со години не се реновирани, а платите на лекарите се ниски. Буџетот во здравството е се поголем, а аптеките се се попразни. Пациентите седат незадоволни во чекалниците на клиниките и во аптеките. Од година на година се повеќе пари се префрлуваат од буџетот, а здравството е се посиромашно. Никој од надлежните не сака да одговори каде точно се потрошени 225 милиони евра од буџетот на Фондот за здравствено осигурување – вели лекарот Владо Јовановски.
Според професорот Тоше Пиперковски, проблемот е во нетранспарентното работење на Фондот за здравство. Наместо институција што редовно ќе доставува прецизни извештаи за својата работа, Фондот е затворен за јавноста, смета Пиперковски.
– Фондот лошо собира и лошо распределува пари. Затоа мора да се воспостават механизми кои ќе ја контролираат неговата работа. Можеби е подобро да се формираат неколку нови фондови или пак за поделба на постојниот на сектори што меѓу себе ќе си конкурираат и ќе се контролираат. Промени во работењето на оваа институција мора да се направат бидејќи Фондот функционира лошо – објаснува Пиперковски.
Фондот за здравство треба да биде јавен, а не државен, смета професорот Методија Трајановски. Според него, оние што ги плаќаат придонесите мора да бидат во Управниот одбор и да го водат Фондот, а не тоа да го прави државата.
Врската меѓу Фондот и веледрогериите е најголем иницијатор на проблеми во здравството и тие се рефлектираат врз пациентите како корисници, смета економистот Благоја Митрев од „Македонија табак“. – Фондот за здравствено осигурување мора да се реформира во здравствено деловен центар што ќе го водат стручни лица. Тој досега само собираше средства и се однесуваше распашано. Веледрогериите не би смееле да му продаваат материјали на Фондот. Тие и онака имаат свои аптеки од кои остваруваат профит. Фондот, како што е поставен, направи една пирамида, која здравството го носи во пропаст – тврди Митрев.
Според Ангел Саздов, претседател на синдикатот на вработените во Клиничкиот центар, предвидените 255 милиони од буџетот не можат да ги покријат само трошоците за нови апарати на клиниките. Никола Пановски, директорот на Фондот за здравство, енергично ги одбива обвинувањата на сметка на таа институција и вели дека има фактури за сите пари. Тој тврди оти здравството се соочува со проблеми не поради загубата од 60 милиони евра, туку поради недостиг од пари.
– Дилемата е дали имаме скапо здравство или пак на пациентите им дозволуваме премногу – вели Пановски.
Во здравството мора многу работи да се менуваат, а тоа е можно само со соодветна законска регулатива што доследно ќе се применува, вели директорот на Фондот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.