Свет
Полицијата фатила четворица "ситни" дилери на дрога
Во одделни полициски акции во Гевгелија, Охрид и во Струга биле уапсени четири лица осомничени за поседување и овозможување користење дрога, соопшти полицијата.
ВО ЧЕТИРИ ОДДЕЛНИ АКЦИИ
Во одделни полициски акции во Гевгелија, Охрид и во Струга биле уапсени четири лица осомничени за поседување и овозможување користење дрога, соопшти полицијата.
Охридската полиција поднесла кривична пријава против тетовецот О.Х. (27), бидејќи во минатата недела, додека престојувал во Охрид, сакал да продаде 80 грама хероин. Тој во меѓувреме “почестил” четворица зависници од дрога со 30 грама хероин. Во претресот што бил извршен во неговиот дом полицијата пронашла уште 3 пакетчиња со по 50 грама хероин.
Пријава за истото кривично дело заработил и гевгеличанецот Д.Р. (27). Тој и продал хероин на зависничката Б.Г. и потоа со уште едно лице ја употребил во неговиот дом. При извршениот претрес во неговиот стан биле пронајден прибор за користење и хероин.
Струшката полиција поднесла кривична пријава против стружанецот Д.У. (30), а истражен судија му одредил мерка притвор од 30 дена за нелегално поседување дрога. При полицискиот претрес во неговиот дом биле пронајдени 100 грама парацетамол, во стаклена тегла. Лекот бил наменето за мешање со хероин. Во куќата биле пронајден и прибор и дигитална вага. Кривична пријава за поседување и овозможување користење дрога заработил и стружанецот Д.Р. (24). При извршениот претрес во неговиот дом биле затекнати тројца уживатели, кои користеле дрога, а кај едниот од нив било пронајдено и пакетче хероин. (Н.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.