Свет
Роботите ќе завладеат со човештвото
Кукли-играчки со импланти за емоции, „оргазматрони“ или хуманоидни кукли за еротски фантазии, туристички патувања на Марс, се само дел од
Кукли-играчки со импланти за емоции, „оргазматрони“ или хуманоидни кукли за еротски фантазии, туристички патувања на Марс, се само дел од 500 предвидувања на футуролозите за 21. век.
Вистинскиот живот во 21. век, како што тврдат футуролозите, нема многу да се разликува од сцените од научно-фантастичните филмови, а водечкиот британски футуролог Јан Пирсон ветува возбудливи промени во релативно блиска иднина.
До 212. година „бебињата“, омилени играчки на девојчињата, ќе бидат „опремени“ со импланти, „вештачка интелигенција“ и ќе реагираат на емоциите на детето.
Истовремено, на осамените мажи ќе им стојат на располагање „оргазматроните“, човеколики кукли направени од материјал што ги има сите карактеристики на женската кожа, а освен тоа, со сите женски атрибути.
„На располагање ќе имаме разни видови на забава, ќе бидеме поздрави, побогати и социјално згрижени. Но секој што се подготвува за возбудлива иднина мора да разбере дека технолошките иновации не се важни сами по себе, туку е важно што тие пронајдоци ќе овозможат, или уништат“, вели Пирсон.
Пирсон, кој работи за британската компанија “BT Group’s BTexact Tehnologies”, објави „временска листа“ на 500 предвидувања за следните 30 години, што истовремено претставува возбудлива, но и загрижувачка визија за иднината.
До крајот на следната година диносаурусите од филмот „Паркот Јура“ ќе направат чекор поблиску кон реалноста, бидејќи ќе постои можност одамна исчезнатите организми да се оживеат.
Иако „враќањето во иднината“ никогаш нема да стане вистинска наука, Пирсон со гордост истакнува дека се остварени 85% од неговите предвидувања од 1991. година.
За 2015. година тој предвидува изградба на хотел во вселената за кој ќе се користат рециклирани резервоари со гориво за летови на „спејс шатлот“, додека до 2030. година технологијата на хибернација ќе им овозможи на луѓето да се „замрзнат“ на неколку дена, месеци или дури години, со што летот до Марс би бил можен и безбеден.
Истата година е можно човечкиот мозок да се поврзе со компјутери користејќи ја таканаречената „нано технологија“ во областа на молекулите или атомите.
Можноста нашиот мозок да се „врати наназад“ значи трајно памтење на доживеаното, а со тоа се отвара можноста мозокот да размислува и реагира со „турбо брзина“.
„Замислете ја важноста вашиот мозок да функционира милион пати побрзо“, вели Пирсон.
Тој тврди дека хуманоидните роботи ќе ја преземат работата во фабриките и веќе до 2015. година ќе можат да ги извршуваат сите домашни или работите во болниците.
Но освен оптимизмот, има и некои вознемирувачки најави за иднината. Според Пирсон, војните ќе добијат нова димензија низ развојот на мали инсекти „војници-роботи“, како и оружја за предизвикување на природни катастрофи.
Така, до 2025. година во развиените земји ќе има повеќе роботи отколку луѓе, до 2030. година роботите ментално и физички ќе ги надминат луѓето и најверојатно, ќе станат нетрпеливи кон своите изумители.
„Секоја нова технологија носи корист, но има и своја цена. Сосема е јасно дека ние со ужасна брзина наоѓаме начини за самоуништување и човештвото е соочено со неброени и непредвидливи ризици“ предупредува Пирсон. /крај/фо/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.