На листата на „Форбс“ за „Најмоќна жена во 2019 година“ е избарана германската канцеларка Ангела Меркел. Секоја година „Форбс“ креира листа, составена од највлијателните женски лидери во светот, од областа на бизнисот, политиката и забавата.

Меркел веќе деветта година по ред ја предводи листата на Форбас за најмоќна жена, а изданието ја пофали „нејзината челична резервираност, од тоа да се спротистави на Доналд Трамп, до тоа да дозволи влез на повеќе од милион сириски бегалци во Германија“.

На второ место на листата е претседателката на Европската централна банка, Кристин Лагард, која претходно беше директорка на Меѓународниот монетарен фонд. Зад неа е Ненси Пелоси, која е првата жена – претседателка на американскиот Конгрес од 2007 година.

Тинејџерката Грета Тунберг, која „Тајм“ ја прогласи за личност на годината, на листата на „Форбс“ е на 100. место.

Унгарскиот парламент усвои измени на закони и на деловникот со кои практично се замолчува опозицијата, пишува „Дојче Веле“, додавајќи дека Виктор Орбан е подготвен на сè, само за да не ја изгуби власта.

Како што се наведува, на унгарскиот премиер очигледно ништо не му е поважно од останувањето на власт, па затоа на изборен пораз гледа како на лична навреда.

По 13 години на власт, фактот дека тој ги загуби локалните избори во многу важни градови, вклучувајќи ја и Будимпешта, е доказ дека системот на Орбан, кој на сите начини е насочен против опозицијата, не е непобедлив, констатира германската медиумска куќа.

„Сега тој го возвраќа ударот со цел дополнително да се осигура против губењето на власта на национално ниво. Деновиве парламентот усвои нови законски одредби, а планирани се и други. Тие се движат од ограничувања за формирање на пратенички групи, преку поголема контрола во културниот сектор, до понатамошно намалување на даночниот суверенитет на општините“, пишува ДВ.

Во него се додава дека регулативата за наводно лошо однесување од страна на пратениците за време на седниците на Собранието беше особено драстична, а новите регулативи му дадоа на претседателот на парламентот толку голема моќ и моќ за финансиски санкции што опозицијата практично може да молчи.

Пред пет години, унгарскиот парламент го смени својот деловник и стана гласачка машинерија, додека опозицијата е само декорација, пишува ДВ и додава дека претседателот на парламентот Ласло Ковер не пропушта можноста да ги казни опозициските пратеници или новинарите кои известуваат за парламентарната работа.

Орбан постапуваше прилично умерено во последните неколку месеци и го избегнуваше бранувања на политичката сцена, бидејќи целеше на тоа за свој човек да обезбеди место на функцијата европски комесар за проширување. Ова место и дава на Унгарија многу простор во нејзината политика кон Западен Балкан и поддршката на авторитарните лидери од регионот, оценува германскиот медиум.

Како што се наведува во текстот, од денот кога Оливер Вархели е именуван за комесар за проширување, Орбан повторно „пука рафално“ – против американскиот милијардер Сорос, против граѓанското општество и опозицијата, против „декадентниот“ Запад, што покажува дека не треба да се развиваат илузии за промена на неговиот начин на владеење.

Илјадници луѓе се придружија на вечерните демонстрации во Хонгконг  за да одбележат шест месеци откако започнаа протестите на приврзаниците на независноста.

Толпата извикуваше „Луѓе од Хонгконг, одмаздете се“, бесна поради реакцијата на полицијата која пушти солзавец и вршеше апсења.

Митингот наречен „Обединети ние стоиме“, според АП, беше организиран во услови на загриженост од некои демонстранти дека движењето слабее како што влегува во седмиот месец, додека владата не покажува знаци за правење дополнителни отстапки.

Протестот доаѓа во време кога владата се соочува со притисок да се согласи за независна истрага за полициското насилство што предизвика бес кај многу граѓани од оваа полуавтономна кинеска област.