Свет
Убиството на Масхадов е решение на најтесниот врв на Русија
Убиството на Аслан Масхадов, лидер на умереното крило на чеченските бунтовници, е последица на решение кое го зазело најтесниот врв на Руската федерација на чело со претседателот Влаидмир Путин – тврди денешниот московски печат.
Убиството на Аслан Масхадов, лидер на умереното крило на чеченските бунтовници, е последица на решение кое го зазело најтесниот врв на Руската федерација на чело со претседателот Влаидмир Путин – тврди денешниот московски печат. Решението било заземено и покрај сознанијата дека постои ризик по убиството конфликтот да се заостри, додаваат весниците. „Апсењето или ликвидирањето на Масхадов никогаш не било недостижно од гледна точка на воената тактика“ – пишува „Известија“. Според овој весник, мотивите за ликвидација на Масхадов лежат во стравот на Кремљ, дека Масхадов, по теророт во Беслан конечно раскрстил со ултрарадикалот Шамил Басаев и оти веќе бил подготвен да седне на преговори со Москва за Чеченија. „Во очите на Запад тој стана нешто како лидер на „чеченскиот Шин Фејн“, пишува „Известија“. Аргументите на Москва се дека со Масхадов нема преговори, затоа што тој веќе не претставувал никого во Чеченија, додава весникот, заклучувајќи, „оти сега, навистина нема со кого да се преговара“. Весникот „Ведомости“ пак, известува дека „Специјалните служби слават победа, а експертите предупредуваат на ескалација на операциите во Чеченија“. Аргументите се дека по Масхадов, неговото место најверојатно ќе го заземе или Шамил Басаев или Доку Умаров – и двајцата со крајно изразено непријателство кон Москва. „На чеченска страна нема друг легитимен лидер – останува само Басаев, идеална фигура за да биде компромитирана и самата помисла на преговори“ – заклучува „Ведомости“./крај/бгнес/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.