Свет
„Тајмс“:Авионите „Боинг 777“ се опасни
Десетици патнички авиони од типот Боинг-777, кои секојдневно слетуваат и полетуваат на аеродромот Хитроу, се со мотори кои имаат потенцијално фатален
Десетици патнички авиони од типот Боинг-777, кои секојдневно слетуваат и полетуваат на аеродромот Хитроу, се со мотори кои имаат потенцијално фатален технички дефект.
Ова ја зголемува веројатноста од нови инциденти, слични на минатогодишната катастрофа на авионот на „Бритиш ервејз“, пишува весникот „Тајмс“.
Предупредувањето е упатено од американската Национална агенција за безбедност во сообраќајот.
Компанијата Ролс-Ројс, која ги произведува моторите за авионите, разработува усовршен модел, иако авионите од типот Боинг-777, кои го имаат истиот дефект, ќе останат во употреба уште 18 месеци.
Над 220 авиони од тој тип, вклучувајќи ги и 15-те на „Бритиш ервејз“, склони се на појава на мрзнење на горивото, што може да доведе до откажување на моторите. Авионите Боинг-777 исто се користат и во Сингапур и во САД.
Од „Бритиш ервејз“ соопштија дека немаат намера да ги повлечат авионите од употреба, а одговорно лице во компанијата изјави дека се преземени мерки за намалување на опасноста од замрзнување на горивото.
Една од мерките е пилотите да ја зголемуваат брзината на определени моменти при долгите летови, за да го зголемат дотокот на гориво.
Американската агенција тврди дека мерките на претпазливост, дури и да го намалат ризикот од откажување на моторите, може да го збунат пилотот и да го изложат на опасност летот.
Според Агенцијата, авионот може да биде изложен и на други опасности, бидејќи за да ја зголеми брзината, пилотот треба да ја намали висината.
Минатата година 152 патника на авионот Боинг-777 на „Бритиш ервејз“ преживеаа слетување откако двата мотора на авионот откажаа при последниот круг пред спуштањето.
Авионот заринка во тревнатите површини, тркалата се откорнаа, но среќа беше што само еден патник се здоби со повреди.
Друг авион Боинг-777, со мотор на Ролс-Ројс на компанијата „Делта ерлајнс“, ја загуби моќта минатиот ноември, откако мраз го блокираше дотокот на гориво. Пилотите одвај успеаа да го активираат моторот. /крај/бг/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.