Свет
Повредени девет полицајци во Франција
Најмалку девет полицајци се повредени, а 49 лица се уапсени за време на протестите против француската Влада, соопшти полицијата
Најмалку девет полицајци се повредени, а 49 лица се уапсени за време на протестите против француската Влада, соопшти полицијата.
Според истите извори, неколку стотици младинци, главно членови на анархистичките групи, провоцирале полициски сили, кои го опколиле Плоштадот на нацијата, каде претходно завршија масовните демонстрации.
Стотици младинци, наводно, биле “вооружени“ со мотики и челични шипки и биле “исклучително насилни“.
Полицијата наведува дека девет полицајци се повредени откако врз нив биле фрлани разни предмети.
“Приведени се околу 300 демонстранти, а против 49 е започната судска постапка“, наведува полицијата.
Останатите се ослободени по проверката на идентитетот.
Околу три милиони Французи ширум државата, според синдикатот, протестираа во четвртокот против владините мерки за соочување со економската криза.
Полициската проценка е дека учествувале 1,2 милиони демонстранти./крај/ме/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж фрли бомба врз Сатански храм во САД
Американските власти вчера уапсија маж од Оклахома затоа што фрлил бомба врз седиштето на Сатанскиот храм во Масачусетс.
Чудно именуваната организација со седиште во Салем на својата веб-страница наведува дека се залага за секуларизмот и индивидуалните слободи и дека нејзините членови всушност не го обожаваат сатаната.
Шон Патрик Палмер (49) е обвинет дека ја оштетил зградата на храмот со експлозивна направа. Тој денеска треба да се појави пред судот во Оклахома. Доколку биде прогласен за виновен, му се заканува казна затвор до 20 години и парична казна до 250.000 долари, пишува АП.
Надзорните снимки покажуваат како Палмер се приближува до сатанскиот храм околу 4 часот наутро на 8 април. Го сокрил лицето, а на себе носел војнички елек. Потоа ја запалил експлозивната направа, ја фрлил на главниот влез и побегнал. Бомбата делумно се активирала, предизвикувајќи мала пожарна штета.
Свет
Жена во Бразил донела мртов маж во банка за да може да подигне кредит
Бразилската полиција уапси жена осомничена дека донела мртов маж, за кој вели дека и е вујко, во банка за да земе кредит. На социјалните мрежи се појави видео на кое се гледа како жена на шалтерот на банката „Итау“ во Рио де Жанеиро ја крева главата на постар маж во инвалидска количка и се обидува да му стави пенкало во раката.
Од полицијата велат дека осомничената се обидувала да земе кредит во износ од 3.000 долари, кој банката веќе го одобрила, но за што било потребно одобрение и од вујкото. Додека таа се обидувала да му го наместо пенкалото, главата му паѓала назад, пишува „Си-ен-ен“.
„Вујко слушаш, мораш да потпишеш. ако не потпишеш нема шанси. Не можам да ти потпишам, мораш. Ајде потпиши, не прави проблем, јас не можам, направи го тоа повеќе“, му зборувала жената. Еден од вработените во банката во тој момент изјавил дека постарата личност најверојатно не се чувствува добро.
Шефот на цивилната полиција на Рио де Жанеиро, Фабио Луис Соуза, изјави дека вработените во банката потоа решиле да повикаат брза помош. Кога пристигнале болничарите, утврдиле дека човекот бил мртов неколку часа и дека не бил жив кога бил донесен во банката. Полицијата води истрага, а засега не е покренато обвинение.
Адвокатот на семејството го демантираше полицискиот извештај: „Работите не испаднаа така. Човекот беше донесен жив во банка. Мојата клиентка е целосно потресена, зема лекови“.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.