Свет
Домашни градежници ќе конкурираат за "Злетовица"
На меѓународниот тендер за изградба на хидросистемот “Злетовица”, зделка од повеќе од 80 милиони долари, ќе можат да учествуваат и домашни градежници.
ВЛАДАТА ГИ СМЕНИ УСЛОВИТЕ НА ТЕНДЕРОТ
На меѓународниот тендер за изградба на хидросистемот “Злетовица”, зделка од повеќе од 80 милиони долари, ќе можат да учествуваат и домашни градежници. Владата ги смени условите од првиот претквалификациски тендер, откако домашните градежни компании посочија повеќе нерегуларности во постапката.
Според новите услови, на тендерот може да конкурираат фирми што последниве 10 години изградиле најмалку две хидроцентрали и тунели во должина од 20 километри. Цевките што ќе се вградуваат во цевководот ќе бидат од домашно потекло. Поради новите околности, распишувањето на тендерот ќе се одолжи до крајот на годинава. Во Владата не се плашат од можната реакција на Јапонската банка за меѓународен развој, која ја финансира изградбата на “Злетовица”.
– Јапонската банка воопшто не е проблем. Целата збрка со условите за градба ја создадоа јапонските консултантите, кои направија проблем и со цената на своите услуги – објаснуваат во Владата.
Хидросистемот “Злетовица” треба да обезбеди вода за пиење во шест општини во источна Македонија, а целиот проект се одолговлекува веќе пет години.
(С.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.