Свет
Огромен скок на акциите на Вол Стрит
Планот на американското министерство за финансии за закрепнување на банките објавен со задоволство е дочекан на Њујоршката берза
Планот на американското министерство за финансии за закрепнување на банките објавен со задоволство е дочекан на Њујоршката берза, што резултираше со позитивен бум на акциите.
Индексот Дау Џонс скокна за 6,84 отсто, најмногу за последните пет месеци, завршувајќи го тргувањето на 7.775,85 индексни поени.
Растот на Дау Џонс го предводеше финансискиот сектор, каде што акциите на најсилните банки се зголемија за 20 отсто, а некои и повеќе од тоа.
Технолошкиот индекс Насдак порасна за 6,76 отсто, додека вредноста на проширениот индекс Стандард енд пурс се зголеми за 7,08 отсто
Министерството за финансии вчера објави нова програма на јавно-приватно партнерство, низ која треба да бидат откупени еден билион долари неликвиден имот на банките, кои на тој начин ќе бидат растоварени и ќе може да продолжат со кредитирање.
Покрај оваа вест, инвеститорите се дополнително охрабрени и од најновите податоци од пазарот на недвижности, каде што е забележан месечен раст на продажбата од 5,1 отсто, што е најголем скок во последните шест години. /крај/х/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.